豐富晚餐迎除夕

明日就喺2017最後一日，今年本來都算好一年，可惜在12月近尾，開始差，老爺入院，自己又冬至病到現在，而家已經好返好多，喺到先預祝大家新一年2018健健康康，幸福快樂，這個星期食藥瞓覺去健康院洗傷口，都無咩心情煮嘢，今日見好啲，明晚啲女又有節目，咁今晚煮餐好啲提早團年，每年的除夕成班同學都會到我家食晚飯同倒數，本來都約咗，最後因為自己唔舒服，老公又唔想我操勞叫我取消了，其實我最喜歡熱鬧，不過算啦，今次就係唔聽老公講，搞到少事變大，今次唔想他為我擔心，咁同學仔希望2018年的除夕可以同你哋開心過，好耐無正常煮，今晚啲女好開心，有大女最愛的雞軟骨，細女的中式豬扒，老公最愛的魚，而自己就簡單的豆腐什菇菜，其實都唔係太豐富，只係啲女太耐無食一餐正常的，呢幾日都係是單一煲過，有時粉麵或粥又一餐

 午餐細女請我去餐廳食的海南雞飯，呢間味道唔錯

 她自己就食炒河粉

以為2017的聖誕夜會喺醫院度過

每年12月都會好開心，因為會安排好多節目，幾家日上我到做冬，平安夜黎我家倒數，聖誕家姐她們又黎party，除夕班同學又會例數，但今年12月好難過，11月中完工開始放假等12月開工，知道開工就無假，所以都唔咁約人，好彩無約人，而且舊年奶奶走後就各自各做冬，好啦終於開工而且好開心，呢個家庭非常好，仔仔好乘好快就適應，而且食人奶食夠三個鐘以上先起身，又退哂黃，新手媽媽同爸爸開始適應都無咁緊張，又有工人姐姐幫手，喺我做咁耐最快的一個仔仔咁叻，做冬日見自己只眼有嘢那晚就聽朋友介紹出去佐敦睇醫生，話喺過瀘性病毒，問點解醫生話無病人，咁好心急又唔知點算，就聽朋友講中，西藥一齊食，還好勤力半夜較鐘都起身間住食，淋住又假期，一邊搵人幫手，搞搞搞好夜好攰，可能突然其來令我手足無措，而且覺得老公同女都不停話入急症睇下啦，老公半夜又話他放幾日不如去急症啦，我只係覺得好煩，無理話有約食，食完先算，其實自己喺想快啲搞好，就可以繼續開工，唔係怕無咗份工，只怕她們搵唔到人好混亂，幾日可能有家人同工人都頂到，就喺咁唔聽老公講，唔應該中，西藥一切食，個晚食完飯就應該立即入急症確實咩嘢事，洗咗錢浪費成千幾蚊，昨日知道她們都搵到人幫跟住黎緊的日子，咁自己就好安心，唔係自己偉大，是實我做嘢就一定以人為先，無諗自己，家人都好唔開心，覺得我唔應該咁，好啦見都唔洗擔心就book自己醫生睇，點知等咗二個鐘，可能假期人好多又得半日，醫生見到問我食咩藥，本來好少事，應該啲藥唔得，而且啲疹含哂龍見意我去醫院搞好啲，寫咗轉介信去咗聯合最終都喺入急症，早知喺咁直入急症等就唔洗再嘥多啲錢，以為轉介會快啲，原來程序都一樣，先分流等咗半個鐘，醫生覺得急，急症啲分流覺得次急救，今日原來聖誕假又人山人海，還聽到今早七時還未入去睇，咁我咪有排等，老公真係好好從無講一句，只有我話唔好意思，一早聽你講就唔洗搞成咁，最終都喺度等，又洗多咁多錢，老公只有話安心等，合眼休息一下，等到晚上都終於睇到醫生，醫生又喺問食咗咩嘢藥，最後解釋一輪話可以唔洗入院，開過哂啲藥跟著食完，每日去健康院洗傷口，跟住回來覆診，可以回家當然好，雖然今個聖誕好平靜，但回想都係自己失去理智做成，亂聽人講搞到咁，有個朋友都問我是否撞邪，聽我講完話唔似我，因為我從來唔會嘥成千元去睇醫生，有病好急先睇自己醫生幾百蚊，正式常都會睇政府，我話可能喺真係傻咗或痴咗，大家以後記得唔好好似我咁，有事先唔好亂，以家人諗先唔好亂聽人講，家人永遠喺最重要，今晚因為之前有嘢淨，老公買咗些少燒肉，菜同魚，諗住我入院，啲女都容易搞，返去我就簡單食完食藥就上床

勁難忘的冬至

好黑仔，心情好差，湊咗十幾個仔都未試過，剛返工五日，突然染咗過瀘性病毒，醫生叫我休息，因我湊bb 而且又得幾日人仔，我睇完就立即通知她們，一定希望我休息，最慘呢幾日假期，自己啲朋友，姊妹全部出外或開緊工，一個都搵唔到，真係對新手媽媽同爸爸講對唔住，搞到她們拿手唔成，我都有安排每日的餐單比她們，冬至咁大節日睇完返到家都成九點幾，好彩有老公幫手，之前無淋過咁煩，阿女又叫咗朋友返黎食，所以好趕，以前冬至好開心，老爺奶奶，二叔一家同大伯都會過黎食，自從舊年奶奶走咗就無上我到做節，話各自做

晚餐之同學聚餐在我港鮮

又一星期啦，時間真係好快，今日喺家又無所事事就整嘢試爐，之前好成功做日本蛋糕，今日就整咩都唔得，淋住試下焗爐加對流，原來喺唔得個面好醜又硬，泡芙唔知點解又焗唔起，開咗唔得啲料就去做格仔餅，唔相浪費，搞咗一日，今晚唔洗煮，有同學移民，1月中就走，約在成班人同她們餞行，又唔記得近冬至好多人提早過冬，一早訂咗枱有同學話會好貴，叫我問下有無全包，最後搵咗最平三千一左右的九大簋，今晚人好多下次真係唔可以喺呢啲時間食，又貴，服務又差自己搵水，食甜品自己搵义又無酒杯飲嘢，話唔夠杯咁都得，啲嘢黎得好快可能趕第二輪，好彩啲嘢都算過得去，成班同學好少咁樣一聚，難得但人太少，走的同學話下次回來先叫我搵多啲出來，時間好快傾下食下又喺散的時候，真開心的一晚

呢碟本來6只開邊，無留意食完走時先睇到

 呢個最好食

 呢碟蜆見唔到肉，原來有聖子，又唔問我哋要咩

呢個就少咗啲，一人一條都無

 條魚好大，但唔太熟，但啲肉都好硬

 無食過唔知得唔得，但色就好靚

自己帶咗個日本芝士蛋糕

Gemini 蒸焗爐之日本蛋糕

好快可以開工啦，預產期本來16號，昨日原來媽咪有陣痛入咗院，但只係痛子宮無開，而且因環境太慘自己出咗院，安排入私家開刀，因話已經覺得好痛，應該引唔到，好彩我叫她今晚入院前先洗頭同沖涼，她說入面都有可以入去先，因為安排明早七點開刀，我話洗咗入去萬一阿仔突然想出黎，最後因為好痛又開唔到醫生就提早今晚開刀，bb 就生咗啦，今日下午本來去剛完工媽咪攞返封信，點知淋時有事又要有時間先去，咁又未夠鐘返學，喺家又試用過新爐，今次蒸日本蛋糕，本來想試蒸焗效果就唔洗半蒸焗，最後都用半蒸焗，因未知上，下火加對流式焗出黎點，點知都幾好一個鐘就搞掂，之前要個半鐘先得，好成功，明天應該有時間焗泡芙，今日先分享呢個日本蛋糕

材料(6吋圓模)：
忌廉芝士180g, 糖2g, 全脂奶78g,
蛋黃2只約40g, 麵粉 33g, 粟粉28g,蛋白2只約70g, 打蛋白用糖40g

先用細火將忌廉芝士搞溶(或坐熱水)

後加牛奶搞勻

拌勻無粒將蛋黃分二次加入撈勻

搞到完全均勻後

將麵粉同粟粉哂入

將麵粉拌勻無粉粒

將蛋白放入乾淨的盤無油無水才輕易打起，先用中速

打到起泡將糖分二次加入打勻

蛋白打到起勾就可以

將蛋白分二次輕手拌勻

完全拌勻就可倒入模

倒後將麵糊掃平

用冷水坐盤

先150預熱焗爐後放入焗1個鐘，之前要差唔多個半鐘

所以每個爐溫都唔同，可先焗一個鐘，用竹簽插入無黏物就熟

焗好唔好立即出爐，開些少門約10分鐘取出，蛋糕就唔會太快收縮，令蛋面下陷

同同事午餐在Corner 18

放假的節目就係食，食，食，今日又約咗舊同事去天后試新嘢，通常同事比錢就一定搵好嘢比我試，輪到我她就好客氣食平啲，她話好新都未食過，去到環境都唔錯，好清靜同舒適，食物種類唔太多，午餐二百幾都算喺咁，湯有中，西湯，熱盤有8－10款左右，都有魚生，冷盤，飲品都有橙汁，咖啡，奶茶，甜品唔多，但就好特別有雞蛋仔同自制pancake，呢個價錢都差唔多，種類唔多味道都好好，比早二晚喺君怡好好多，傾下食下好快二點半，咁埋單就出去行，由天后行去太古城，同事回家我就搭地鐵返學，食得好飽都唔洗食晚飯，今晚又最後一堂要考試，早啲回校搵下書

沙律同冷盤

 熱暈

 燒火腿都幾好

 最喜歡呢個周打魚湯多料又好味

 壽司同蝦，青口

 雞蛋仔，同事好喜歡成排食哂，我就試咗一粒，味道唔錯，我覺得就太甜

 甜品唔多，都喺一般

 南瓜餅同自制Pancake

 甜品區

 沙律

 壽司同魚生

 今早試新機，蒸菜同豬扒

 100度15分鐘整好豬扒再加菜多10分鐘都OK