產後食療之消炎通奶湯

上個星期好忙，由於媽咪擔心個仔黃又唔知食幾多，最後就全程泵無埋身，又由於太攰晚上無咩時間休息搞到發燒，最後知道喺乳線塞同發炎，所以每個新手媽媽記得，頭二個星期喺辛苦啲，過咗就會適應同舒服，要勤比仔啜或泵出嚟先唔容易塞，如果感到脹就要泵，無時間就用手搾些少出，咁做喺可以舒緩脹同減少塞奶同發炎的好方法，知道媽咪有燒都有啲緊張，原來喺乳線炎，知道就立即煲散熱茶，幫她按鬆再加多個消炎通奶湯，最後成功退燒同無塞，今次講下呢個簡單湯水，當新手媽媽感到脹痛或塞咗就可煲黎飲，真係幫到手有幾個媽咪都試過有效而且味道非常好，睇下啲湯好似牛奶咁

 材料：合掌瓜2個，大魚尾1條，排骨頭或豬展$20，王不留行5錢，通草5錢，蜜棗3－4粒，薑5－6片

 先將魚尾洗淨沫乾入鑊煎到二面金黃

 排骨頭或豬展洗淨出水，喺凍水同肉一齊滾起多二分鐘就會出哂污物

 合掌瓜洗淨切細

 將王不留行同通草洗淨連魚尾一齊入袋

 其它才料入煲

先大火半個鐘再轉中細火煲二個鐘就飲得