28週年浪漫又狼狽的盤菜宴

不經不覺同老公生活咗28年，喺過去28年我感到快樂多，最難過都係供樓後大家都唔好彩，二間公司都減人工而二個女又細，好彩最終都解決哂，有時會聽到人講，比我要選一定單身而我到呢一刻我都覺得自己好幸福，能夠有個咁愛我的另一半，今生無悔，老公每年的禮物都比人感到老土，但對我黎講就好開心，就係花同朱古力而今年因為參加盤菜宴，時間唔啱又要返工就係今晚的晚會買咗水晶球比我，做善事價錢當然無計比買一盤真花貴，老公話唔好計做善事喺無得計，今日都好忙因要準備明天的日，午，燉湯同餐湯，好彩bb 都好合作，最後可以準時收工，因6點半開始，到現場已經好多人因為今晚有270席，老公就知我喜歡熱鬧，所以參加咗好似同我哋慶祝，當開始食時天公不做美開始有雨跟住越來越大無停，我們個圍啲人好急食完就走，而我哋就因雨太大只搵個地方等停雨，第一次喺雨中食盤菜，只有一把傘就輪流食，而盤菜就加咗雨水更特別，全身濕哂開始有啲凍，老公好緊張怕我凍親有衫就攞出嚟著，最後因太大雨所有節目取消連抽獎都要遲啲補抽同喺綱上放回抽獎結果，當雨無咁大就同老公搵車搭回家

好豐富的盤菜

未落雨前

同老公四圍行，見到紙板公仔好得意又影下

落雨後的情況