晚餐之提早興祝結婚28週年

時間過得好快，下星期六同老公過咗28年，每年都會約同學打邊爐興祝，今年因老公公司有盤菜宴所以無約人，二個女都要自己搵食，阿妹知我下星期唔得閒，今晚專登買咗個我最愛的芝士蛋糕同我哋提早興祝真有心，過去呢個星期好忙，個媽咪因12朝太多人出出入入，無休息無泵奶最後燒咗二日，知到喺無休息加無泵奶，塞乳同發炎引起，咁我就幫她按同配合食療好彩無事，星期三仔仔又去健康院睇黃，今次終於無事唔洗去咁大家都可以休息一下，唔洗再走黎走去，因為星期六，日人多關係搞到阿bb都亂哂，本來食飽瞓的他都瞓得唔好，當然最辛苦又喺媽媽，成晚無得瞓，咁我去到當然樣樣搞掂，等媽媽可以安心休息，每晚都好夜先走得，今晚可以唔洗太遲，搞掂立即返家，成個星期都係是旦食，差唔多晚晚都一煲過，今晚當然要煮好啲啦

 出門前煲咗五指毛桃瑤柱雞湯

 粉絲雜菜煲

 阿妹最愛的咸蛋蒸肉餅

 細女最愛的豉汁蒸䱽魚

 老公最愛的香焗三文魚

 菠蘿炒牛肉

 翠瓜炒雞肉，軟骨

阿妹送給我們的週年蛋糕