晚餐在九龍城金運

又星期日啦，早起啲女兒出去，就同老公在家清潔，12點左右煮左簡單午餐同老公食完我就出門去上堂，今日返催乳實習班，有幾個產婦比我哋實習，喺呢到都多謝啲媽媽，今日雖然好短時間的練習，但就比我感受到媽媽有事時的無助，我學習主要喺覺得自己跟的太太們喺我完工後，可能太忙，又無正常的飲食種種原因下塞奶或減少，因為我跟的都好多成為好朋友，有開心事同我分享，有問題又會搵我，之前她們有呢啲問題我都幫唔到咩，但上咗堂後就好好多，記得剛完的就好好彩，我剛學過就可以幫到忙，幫她按壓再加啲上奶湯水好成功沒有再塞，我可安心完工，實習完又同幾個同學飲嘢順便分享我工作的情序，因為呢幾個同學剛合格左陪月，我唔介意分享所有我識我知的事，我覺得唔會分享左就會分薄左我的工作，我真的希望她們用心去做，女人坐月喺好重要，她們好開心多謝我因為有個同學話她的雀友做左好多年而且都喺好朋友但就唔會好似我咁會分享，問了等於無問而且還被開話題，我都感受過有啲人真喺怕我們會搶飯碗好好笑，傾左好耐就各自回家，而我就出左去睇老豆跟住同家姐阿哥晚餐，今晚又去金運，老公話啲嘢新鮮啲，家姐唔太喜歡因為都喺個啲嘢，今次叫多個扒餐配天使麵，個麵就咸左啲，其它都差唔多，老公最愛金銀蛋白菜，話原來用白菜都得，大哥就愛滑蛋蝦，家姐就最愛生炒骨，我就咩都鍾意，開開心心又一餐