產後食療之上奶湯3之黨蔘通草木瓜魚尾湯

今次又講多個上奶湯都喺用木瓜同魚尾，不過就加多樣補氣之物黨蔘而通草就有幫助乳汁不通，大家都知黨蔘喺補氣但就唔好太早用，最好就清咗惡露先，因有行氣活血效用，如果太早就會怕有啲媽咪受唔到而大量出血，通常初期出奶出得唔好，又或因太攰無比Bb吸啜同吸出奶水等種種原因，到後期就會感到奶量大減，其實每個餵奶的媽媽都要保持心情開朗，有足夠的休息時間，每次餵奶都喺開心咁奶量一定唔會少，一定足夠比bb 食，餵奶的媽媽喺辛苦只要有信心一定可以全人奶，餵奶的媽媽努力對自己有信心就一定得，好啦講下一個補氣多奶又簡單的食譜，希望幫到手

材料：通草2兩，黨蔘2條，蜜棗4粒，木瓜一個，魚尾2條，花生半斤，豬展仔$10

先將黨蔘切參煲時更易出味，花生洗淨浸水半個鐘有助化氣，木瓜去皮去核洗淨切細，豬展出水

魚尾洗淨沫乾入鑊煎香二邊

將通草同煎好的魚尾入袋

將所有材料入湯煲先大火半個鐘

半個鐘後轉細火煲多二個鐘調味就飲得