晚餐之香草黑椒焗肋骨

今日星期六，唔知點解成日以為星期日，自從做咗呢份工，無假期只放星期日搞到咩嘢節日都無為意，由舊年十月做到現在都未正式好似今次放咁耐，好多時完工休二日就開工，今次預產期就到都無聲氣只有等，今早又一早起身煮咗早餐二個女食完就出門，老公休息我又未開工就等老公起身食咗早餐就去老爺到，搞掂哂嘢都喺二點幾就同老公去咗富臨飲下午茶，唔知咩事人山人海，上去都等咗幾部Lap，好彩上到去等一陣就有位，不過就搭枱無所謂只有我同老公，見枱枱都有乳鴨原來$18.8一只，咁我哋又叫再叫碗鵝瀨，燒賣同菜苗餃同茄子，嘩食咗五樣埋單$100有找，啲嘢都唔差唔怪得知排哂隊，飲完茶又同老公行超市，實惠，759買咗好多嘢再買餸就回家，今早已煲咗五指毛桃湯，昨晚又醃咗件排骨，只喺蒸魚同煮個菜就食得，今晚焗咗排肋骨，啲女返黎聞到好香問喺咩，到開飯時見到好開心話好豪一開四一人一條，一邊食一邊話好好味，好開心又講下各自忙咩，阿妹話趕功課食完就繼續，開開心心又一餐

 再配一個香辣醬更好味

 同老公飲下午茶

 乳鴨比街市平好味又平

 燒鵝瀨都好好味