喜歡煮食的我, 每日開心煮和大家分享每一餐
咁快又星期六還在休假中，今日2個女都休息只有老公要返，搞掂老公出門就例行工作，清潔，洗衣，同2個女出去行下 順便食午餐，今日去咗食越南嘢，叫咗2個粉麵加啲小食，最後發現叫拼盤最抵食又叫咗，食飽飽周圍行下，細囡要買教畫的材料家姐同她去，我自己就去買餸回家先，回家先記起惠康今日88折就去睇下，有優惠就特別多人，去到人山人海周圍都排隊，我只買咗pack就去排快線，點知去錯自助機，幾條龍都好亂，排咗15分鐘先發現錯好想走又唔值，最後等多半小時，喺我前面的太太好醒目邊排邊買，叫前後幫她睇同推住架車，最後她的車差唔多滿哂好勁，因為去一去等一等回家已經6點半好趕，先焗雞跟住浸菜，邊洗邊煮等埋老公回來剛好開飯
前一晚小暑冬瓜太多淨一半今晚加草菇，瑤柱滾一滾又一個消暑湯
早幾日幫個媽咪買咗部份煲湯要用的料，今日先攞過去連埋8升的湯煲，上半年喺新界果邊，荃彎，沙田，大埔同青衣，今次去香港果邊半山，之前做過一份以為呢個都差唔多點知喺另一邊，巴士轉小巴或巴士，如果地鐵就要小巴落官塘搭地鐵再轉小巴或巴士，如果地鐵就要行20分鐘，家訪完今次再去睇下點慳車費，最慳都要45蚊，唔洗點行就55蚊左右，剛交通都加哂真喺難慳但都無法，因為簽約時無睇清楚又喺半年前已簽變化實在太大，今次因為太重都喺過海巴士再轉上半山小巴，走時有時間就睇下去邊個地鐵最近可慳十蚊左右，地圖就20分鐘，唔識路的我就行咗好耐，好彩有個姐姐去西營盤地鐵就跟住行，一路問她她話如果喺果度行去上環應該會近啲但唔識行就會耐，行去西營盤喺多5分鐘但就容易行，開工唔太遲收就可再搵路，行到去發現之前做果度喺另一邊，之前收工就喺半山行落去8分鐘就到，呢度遠好多快行要20分鐘，返到官塘已經點半就簡單食啲嘢買埋餸就回家，今晚準備咗燒排骨，阿女又買雞翼回加餸，本來燒汁青魚，焗茄子，最後就將青魚切片炒茄子，之前食淨牛腩薯仔，見薯仔好多又怕放太耐就整碎後做餅去煎，點知煎唔起無加粉又多汁就炒好轉焗爐加芝士香草去焗一焗，啲女回來就問喺咩大家都聽完都話咁搞笑但都好味，簡簡單單又開餐
今日仍在休假中，嚟緊個媽咪要順產，通常私家一定會開刀多，但呢個媽媽堅持順產，無輪醫生話BB肚大，頭大雖已轉但胎位高，還有2星期先預產期無咩特別應該可以再等，天氣真喺好熱，而家啲電氣無以前咁耐用好快就要換，家中冷氣開始漏水年年都要搵人維修好煩，早2個月有時間就換咗先，點知而家先發現唔夠凍，好似開咗無開好慘，以為咩嘢搵人上嚟維修，師父上嚟睇話匹數唔夠應該換大啲，而家啲機無以前好，智能機更煩，聽個sales講話好就信咗，而家連房都開埋打出嚟好些少，無理由又再換所以都會早些少煮定後開定冷氣等家人回來食飯就無咁辛苦，阿囡今晚想食粥就話不如食海鮮鍋粥底，咁就簡單買咗海鮮洗乾淨，準備些少菜同肉，差唔多時間就先蒸定部份海鮮同浸定米入煲，人齊就開餐
還未開工就約朋友出嚟午餐，本約上星期點知早一日朋友通知突然身體不適改期，早2日朋友話無事就再book呢間酒店，上綱睇話超值300幾蚊的午餐有蠔即開即食，都有好多其它嘢食一直都想試下，點知輪到自己唔舒服應該腸胃炎，見已經好好多，自己都唔喺點食生嘢，主要喺怕好快開工無時間再約，跟住開工做3個月後先再見，今日終於同朋友出來一聚，一早起身整蛋糕，焗果仁同格仔餅，搞掂就出門我呢個路痴第一次去睇地圖都搵唔到，一路問人就被人點落車地圖講行4分鐘點知行咗35分鐘先搵到，同事以為我咩嘢事，落車通知行緊過去點知行咗咁耐，跟著講返個情形她話應該打比她教我點行，去到已經無咗好多時間又掛住講，坐唔夠一陣又叫埋單先發現已經點半，咁自己都唔太舒服只喺食咗少少嘢，行咗個圈熟食都算多，湯有2款，有越式粉麵，生蠔，魚生都有4款，沙律，甜品同雪糕，飲品都有果汁，熱飲咖啡機同檸茶，水，今次專登一試喺睇下多唔多嘢食，下次屋企人同家姐阿妹都可一試，雖然無花月庭咁多，但唔食太多嘢又想食生蠔呢度都算幾好
越式粉麵我覺得喺最好味
今次做咗牛乳糖係同事最愛
