喜歡煮食的我, 每日開心煮和大家分享每一餐
個媽咪今日還未有動靜，產檢後醫生話BB太大啦如果明天還未有動靜最好後天安排入院催生或開刀，呢個媽咪好叻好堅持，呢個醫生又好好比媽咪繼續等自己生，所以應該都未咁快，今晚約咗同學食飯，先準備晚餐料等老公回來跟，順便炆定啲腩肉比老公帶飯，今次喺樓上買咗2包腩肉都幾靚，三杯雞大家就整得多，有冇試過整腩肉，今次開咗包簡單用杯酒，一杯豉油同一杯配料去炆，早上烚啲菜就簡單
今日終於見返班同學，舊年疫情開始就無再出嚟，以前每月的聚餐等到今日再見，舊年中期都放闊6人有部份都唔想出，最後就無幾會再出啦，而家打針原因，有部份食肆都可多個4人，又睇下啲同學出唔出，可能真係太耐無見，而一年一次的金禮物又未攞，所以都喺出嚟，問咗呢間可多過4人，同學就定咗，估唔到都多人，只係大枱都無人，大部份都喺2-6人的枱多啲，當大家一見面好多嘢講你一句我一句都忘記叫嘢食，可能太耐無見，話題離不開打針，有2個同學剛打完第一針，我就完咗7月個job先去body check後先去打，本來book咗6月20最後因為啲囡反對咁就完工再check完先打，另外幾個就唔考慮，因為打完只係半年有效，其實每個想法都唔同，負面太多大家都擔心打完有事，事實都喺我本來都唔打算，但11月的媽咪好想我打，而我自己覺得都應該因為接觸小朋友安心啲好，跟住一人叫一個餸後又繼續講，傾下食下時間又差唔多10點，就影下相同抽金仔，今次好好彩抽到立體自己比較喜歡多個牌仔，開開心心又一晚，今晚走時專登同同學搭屯馬線返官塘，喺鑽石山專又真係好似幾快
又星期日啦，時間真係好快，今日又喺家中度過，早上同老公簡單食包同咖啡，清潔一下上下綱，覆媽咪啲message,好快又到午餐，今日2個囡都有節目所以都同老公簡單食，晚餐本打算出去買餸，大囡話買咗拉麵回來煮，叫我準備糖心蛋，木耳同一些菜同肉就可以，咁又無出去，最初以為喺一餅餅的，點知乾身一條條同平時某牌子的無咩分別，阿囡話唔同好好食專登買返嚟，二百幾蚊一盒有5扎，應該喺個湯底貴，對我嚟講就唔值但都要一試，喺出面食一碗都要百幾蚊，自己煮就會平啲同想咩嘢料都得，簡簡單單又開餐
咁快又星期六啦，剛休息個多星期啦，都好似好忙，老公同囡囡返工就準備早餐同午餐盒，今日老公唔洗返咁就可以瞓晏啲，但8點幾就起身，早上多數都喺簡單煎蛋配麵包同燕麥咖啡，午餐都喺簡單煮粉麵配菜同肉，今晚個個都在家食，就同老公出去行下，去咗樓上而家多咗好多肉，買咗三文魚，牛仔骨同牛肩肉，跟住買菜回家煮一餐，出門前煲咗海底椰蟲草螺頭湯，回去簡單煮個牛仔骨，煎魚炒菜又開餐
而家還未開工，因為媽咪好堅持要順產，呢個私家醫生又好好比媽咪試完一星期又一星期，就到預產期，睇下產檢後點安排，做咁耐除咗政府未試過私家都比媽咪等到預產期都未安排日子，但無論點都希望她們平安順利，我可以好快就開工，今日無所事事就去整XO醬，之前答應咗個媽咪老公有時間整菜脯XO醬，其實煮唔難，喺準備料就要用啲時間，主要喺蒜，干蔥，蝦米，菜脯都要切碎後先可以煮，今次用咗之前一個媽咪比的乾椒碎，只係2湯匙就感到非常辣，但味道都非常好，喺到分享一下
