櫻花蝦煮有機節瓜

今日返到學校先知昨天試工又唔來話病咗，咁今日得三個姐姐做，廚房野就自己做，好彩有個同事幫手，有啲真係睇廁所就只喺厠所，個條友見今日只得4個，就話要茶點食物問我有咩野順便同我買肉，咁就叫她買$10的肉碎買同$30骨，就變左60蚊骨，差唔多$20碎肉，同她講星期五唔需要用骨
今日老公帶咗幾只有機節瓜回來，本來粉絲煮最後就加啲櫻花蝦個大女同學去玩完的手信，再加啲支竹雲耳一齊炒好鮮甜好惹味，傾吓講吓又一餐

有機節瓜又大又細，老公話有只好似冬瓜咁大 

 女兒同學去玩完送的櫻花蝦都好香

材料：節瓜斤半，櫻花蝦半碗，支竹四兩，雲耳幾只

薑片5～6片，蒜3～4粒

調味：蠔油2湯匙

先將節瓜去皮洗淨切條，雲耳浸軟

 先起鑊爆香薑，蒜同蝦

 炒到有香味加入節瓜

 炒勻加入蠔油

 加支竹同雲耳炒勻試味就可上碟

什綿拉麵配焗洋蔥豬扒

今日好唔開心，啲人真的好無聊，昨日有個新人到職真的好勤力，我食飯時就同我拖廚房地，就喺咁今日主任就同我講叫我自己幫手洗碗，我完全唔明現在暑期班我就只負責煮，但我食飯前同食飯都幫手洗，而十二點煮好飯還去幫老師手睇小朋友食飯，雖然寫唔世我做，我都照做可能做野要比人睇才叫有做，估唔到咁樣都可以被人有機可乘，真的好無聊，好激氣搞到今晚都無心情煮，探完奶奶回家雖然喺超市買左魚，肉菜，最後魚無煮，只係簡單焗左豬扒同煲咗大煲麵就算，老公同啲女都叫我唔好做，但我都好鐘意，今午有個小朋友去洗手間時近廚房，就問個姐姐Angel姐姐喺嗰度，我聽到就走出去好開心啲小朋友記得我，因為今日我無入睇他們食飯，他就告訴我他好乘好快食完，有飲湯同食哂香蕉，啲小朋友真係好得意，有時都會覺得算啦再做吓先啦

 今日喺學校煲金銀菜陳腎，我都喺第一次，原來都好好飲

九菜花炒火鍋腩片

今日學校又有二個新姐姐來開工，一個試工另一個喺之前試咗今日正式上班，希望可以頂得住唔好又唔做，今次哩過好快手同好勤力，我一煮完就同我清潔真的好幫得手
今晚只有我同老公食，探完奶奶同她清潔完就先回家，今次唔等老公，因為雪櫃無咩野要去超市買，今晚又得我同老公就買咗老公最愛九菜花加個腩片再用淨啲雞煲咗粥，簡簡單單又一餐

D

咸菜豬肚雞湯飯

今日雖然星期日可以瞓晏啲，最後七點機就起左身，個個都有野做，煮定早餐著叫她們起，而自己又要出老豆到，大老有野做叫我幫手煮多日，咁就出老豆到飲茶再買野上去煮，因為今日又要去探奶奶，飲完茶同老豆洗白白後煮完叫老豆自己夠鐘就食，老人家就好似小朋友一樣要人關心同照顧，同他講今日趕時間煮好放入暖壼，老豆都已九十有多，叫做好叻自己識行識食，但有時又好唔合作，而且都好長氣，講完又講，問完又問，老人家就係咁，家中有老人家的人要將心比己，自己都有老的一天

今晚啲女又話出去食唔想我辛苦，但老公又唔想，睇完奶奶回家就簡單炒個菜，蒸魚同用雪櫃淨啲野去煮個湯飯

 材料: 豬肚湯，雞半只，飯2-3碗

 先滾返起個豬肚

 加入飯煮滾

最後試味加蔥就食得

電飯煲煮腩肉黃豆炆涼瓜

話咁快又到星期六，剛放完今天又放，原來一個月有個星期六唔世返，而唔係我以為返三個星期放一個星期六，今個月我先放，下個月就放第二個星期六，本來今日想瞓晏啲點知個大又話要八半出門，而細女又十點出，咁一早起身整左燒賣同餃子比她們後就上街市買野煲湯去老豆到，今早上街市見啲腩肉好靚就買咗2條要$45覺得幾貴，可能習慣喺超市買，所以好怕喺街市買因無價選左再秤，幾貴都唔好意思唔要，下次都係超市好啲，見到價錢合理才買又唔怕被人駡，再見涼瓜好大就買咗幾只成三十蚊返到屋企就加黃豆同其它配料去炆炆，今晚二姐同姐夫還有細妹都來，叫老公買咗魚同菜，去完老豆到就可直接回家煮，好彩今早炆定涼瓜，姐夫就好開心話涼瓜頂瓜瓜哩樣已經好餸飯，老公又烏頭知道姐夫喜歡，又買咗妹妹喜歡的蝦，我就整咗老公最愛的雞，咁就大家都開心，傾吓飲吓又一餐

材料：腩肉$45，涼瓜3斤，黃豆半碗，薑1件， 蒜頭半個，指天椒2只，豆豉1湯，冰糖1粒

先將腩肉出水，黃豆洗淨用熱水浸

先將涼瓜開半去子灑些鹽搽勻

黃豆用白鑊烘乾

腩肉切一吋左右大

切好先放入飯煲煎煎

涼瓜洗淨切大件

切好用幾片薑白鑊烘乾

有部份水走出不要(這樣做可減苦味)

腩肉煎香加入薑，蒜，椒同豆豉一切炒香

所有配料有香味就加入黃豆

炒勻

加入涼瓜撈勻

加入冰糖同暖水2/3滿就可以

十五分鐘左右，涼瓜會收縮再煮多十五分鐘就可以

食時可轉入煲加熱試味就食得