薑蓉炒豬扒

今晚間車遲左到就無入街市, 因為太夜入去都買唔到野, 就行返去街附近的超市, 食左幾日雞就買左豬扒淋住煮栗米, 返到家先記起今早做三文治用哂, 又星期尾通常雪櫃都無咩野淨, 好彩還有蔥而且今晚香草焗青魚唔世用加啲薑蓉試吓炒豬扒, 原來都好好味, 簡單材料煮出好美道

材料: 豬扒3件 
醃豬扒料: 酒1湯匙, 豉油半湯匙, 糖1茶匙, 生粉2湯匙
薑蓉料: 油1湯匙, 薑一件, 蔥幾棵, 鹽1/4茶匙

先將豬扒啄鬆一邊

醃料先撈勻除生粉

豬扒抹乾水加入醃料

薑洗淨去皮磨蓉, 蔥洗淨切粒加入鹽撈勻

生粉煎時才加入豬扒撈勻

先爆香油加入薑蔥料

放入豬扒先大火後轉中細火

煎好一邊轉另一邊

蓋上蓋豬扒煮2-3分鐘

將薑蓉料入面的汁油倒入一齊煎

筷子容易穿得過就熟

將豬扒剪細件

抹去鑊入面多餘的油放回豬扒

加入薑蓉

用細火炒勻有香味

上碟食得

簡單香煎牙帶魚

今日去到街市唔知買咩魚好，啲人話唔好太多養魚，因會話用藥去養谷大食得多無益，行咗團都唔知買咩，我最怕買咸水魚又無價錢，問咗唔要就比人閙，我比較有價錢，睇岩就買唔世估，但今日又行咗去買咗幾次的魚檔，老板又極力推介牙帶魚好抵食，咁就帶回家，叫我煎就最好，可能有其它食法而煎就最好，食飯時同老公講魚檔話最好煎，老公就話唔太新鮮才用來煎，咁我就問今晚哩碟點，他說都係普通有啲唔太新鮮，下次都喺唔好信

材料:牙帶魚5件
醃料:酒1湯匙，鹽1/4茶匙，糖半茶匙

先將魚洗淨

 抹乾水份加入醃料撈勻

煎魚時先大火再轉中細火

 見魚身變白就反轉另一邊煎

 見到則面全白色

 再多煎幾分鐘就搞掂

鯇魚腩九菜花炒河

今晚只有我同老公食，本來煮個蕃茄魚腩湯飯同炒個蒜蓉九菜花，點知老公話唔想食湯飯，買咗斤河粉轉一轉用九菜花干蔥去炒魚腩河, 蕃茄加栗米滾個湯, 咁就簡簡單單又一餐

材料: 河粉1斤, 鯇魚腩1件, 九菜花2扎, 干蔥3-4粒, 
          薑絲1湯匙, 紅蘿蔔半條  
醃魚腩: 1/4茶匙鹽, 半茶匙糖, 1湯匙生粉
調味: 蠔油2湯匙, 水2-3湯匙

先將魚腩洗淨切細件

加入醃料撈勻

河粉撕開一條條, 九菜花切段, 干蔥切碎, 紅蘿蔔切絲

先將魚腩煎熟

想煎得好, 入鑊後唔好反來反去, 見魚身開始白才反

反轉煎好魚腩先回碟

加入干蔥同薑絲炒香

炒到干蔥有香味加入九菜花

炒勻軟身

加入河粉同蠔油

快手炒勻加入紅蘿蔔絲炒勻就試味

最後加入魚腩熄火

                                             輕手炒勻就食得

脆焗南乳雞翼

早二日老公問我識唔識整南乳雞，其實以前有整過成只焗，只不過他無為意，因為唔鍾意食焗雞只係鍾意食蒸雞，而啲女就最鍾意焗雞咩嘢味都喜歡，昨晚買咗包雞翼，今早先解凍就用南乳醬去簡單醃，今晚好寫意只係簡單炒過菜就搞掂，因為昨晚整咗凍烏頭，輕輕鬆鬆又一餐

材料：雞翼12-14只
醃料：豉油1湯匙，酒1湯匙，南乳醬1湯匙，糖1湯匙，

            生粉1湯匙

焗雞翼料：生粉2湯匙，油1茶匙

 先將雞翼浸鹽水解凍

 先將醬料撈勻

 雞翼洗淨抺乾水加入醃料撈勻

 最少醃2個鍾，醃過夜更入味

 焗雞翼時加入2湯匙生粉和1茶匙油

(就會焗出脆脆雞翼)

 撈好的雞翼放入焗盤

 入爐180度焗35分鐘左右

 焗好後可用竹簽插入無血水溜出就熟

(每家爐溫都有出入，請自行再調較)

 將雞翼排放好，可配青瓜或蕃茄做裝飾

 我就加左只蕃茄同自家種薄荷葉做裝飾