晚餐之翠瓜炒牛柳粒

今日搞掂各人出門後，約咗家姐食午餐，去到家姐家幫她處理好一些事就喺她家附近的餐廳簡單食，而家食嘢真喺唔平，可能又喺午餐時間，只喺食碗2餸米加埋杯飲品就要52蚊左右，家姐就叫咗件豬扒三文治全走，只喺2塊好薄的麵包放一塊好薄的豬扒就33蚊飲品另加12，唔係成日食就算，掛住同家姐講，人又太多，食完就離開，之後就買餸回家，今晚就用咗昨晚淨少少的豆漿湯去煮意粉，意粉點煮都好味，之前包意粉以為唔多，出水後太多食咗幾餐，買咗羊腩加埋蘿蔔先煮淋個羊，攞咗些少加埋菜就變咗羊腩湯，焗咗雞寶再炒多個翠瓜牛柳粒，齊人又開飯

呢個翠瓜炒牛柳粒炒完加少少鹽同黑糊椒，啲囡食到唔停口

材料：牛扒2塊，脆瓜一條，干蔥3-4粒，椒各一細只（可落可唔落）

先將干蔥切細，翠瓜洗淨切大粒，牛扒切大粒

先爆香干蔥

有香味加入牛柳粒煎香2邊

炒勻

加入翠瓜同椒炒勻

最後加入鹽同黑椒炒勻

試味就可上碟

淨返一碗湯又唔想加水就無咩味，加啲栗米同一礶吞拿魚加埋意粉煮一煮簡單又好味

先將栗米同吞拿炒一炒

加埋碗湯煮一煮

試味後加埋意粉炒勻就搞掂