今日又星期六，個個都唔洗返工，雖然唔需要5點幾起但都8點幾就起身，今日好潮濕啲衫又唔乾，日日都好多衫好彩有部份可以乾，用咗二十年的抽濕機舊年壞咗，諗住換咗部有埋乾衣的洗衣機所以都唔急買，今日老公休息就出去周圍行，一出門口出面好濕周圍都有水，就同老公講有時間都要去睇下，周圍行睇下午餐食咩好，點知無啦啦見到有抽濕機睇睇下比個sale講講下就買咗，因為老公見咁濕就唔等送貨自已攞，超重最後直接回家，我就自己去買餸後先回家，今晚又齊人，阿囡話食粉麵咁就簡單煮個酸菜魚，買咗蝦滑同魚肉釀甜椒，淨咗加埋入酸菜魚到，今次買咗脆鯇做酸菜魚米線，之前用諗魚柳，但最近發覺諗魚柳都喺麻麻，啲囡又喜歡脆鯇，再焗幾個大啡菇同灼多碟菜，簡簡單單又開餐
甜椒釀蝦滑
芝士肉碎釀大啡菇
沒有留言:
發佈留言