喜歡煮食的我, 每日開心煮和大家分享每一餐
咁快又年初二，今日細女正日生日，以前爸媽在年初二就一定回媽家，而家就約家姐，阿妹出去飲茶團拜就算，呢幾年都無出，今年兒生女就邀請我們到她家的club house燒嘢食，太耐無呢啲活動就答應咗才記起女兒生日，晚餐就回家再慶祝，一早同細妹先去大家姐到拜年，因為大姐行動不便我哋就諗住買嘢上去食，點知好多都未開門就買咗蛋糕先同大甥生提早慶生日，咁啱月尾就喺他生日，家姐好開心食蛋糕又煎些少糕食完我哋又趕去二姐女兒家燒烤，姐夫買咗蝦，我哋帶咗她們最愛的年糕同馬蹄糕，兒甥女就準備好多燒烤食品還有魚生，非常豐富，實在太耐無見，她2個小朋友2歲同5歲都大好好玩，好開心她們4月中就回法國，今次實咗未盡興，再約回法國再聚，本來晚餐諗住打邊爐，最後因食完燒烤就轉食蒸海鮮配粥底鍋，飯後甜品就一定切蛋糕，開開心心的大年初二
初二的花開得好靚
早上先去大姐家
今日大年初一，祝大家兔年事事順心，健康幸福快樂，今日應該瞓到自然醒，昨晚一家人行完回家已經大年初一，以前同奶奶一齊住大年初一第一口一定要食齋，通常都會準備定，而家自己本身早餐都喺素所以都無特別準備，今年特別開心幾年都疫情下度過無氣氛咩嘢都做唔到，而家放鬆哂周圍都好熱閙好開心，早上同老公食咗簡單早餐就出咗沙田行大運，11點幾個媽咪通知BB出得院，本來昨日早上已經喺到等但出唔到，諗住大年初一都應該唔會無準備，同媽咪講完搞得掂就唔過去，因為午餐約咗囡囡同她的朋友在家食午餐，最後食完午餐都過去跟一跟，一去就搞到8點幾先走回家已經9點幾，一家都堅持等埋我先晚餐，晚餐只喺返熱年30晚的盤菜加咗娃娃菜，簡簡單單又一餐，明天唔需要開工夜啲都無所謂，咁就過咗大年初一
簡單的午餐
第一次煎齊咁多糕，蘿蔔糕，芋頭糕同年糕
今日年30同大家拜早年，祝大家兔年事事順心，幸福快樂，今日以為要出去幫手接BB出院唔知幾點先回家，就辛苦老公去準備今晚團年飯，在家等電話到1點還未有消息，就問個媽咪點情況，原來BB還未夠磅數唔出得，咁就同老公出去買嘢，去到街市都喺好多人，但開始趕收工有啲都清哂已經喺到清潔，本來諗住食完嘢先買，最後都買埋先怕買唔到，到到都排哂隊好彩要買的都買咗，跟住是旦食碗麵就回家，就咁食碗麵飲杯嘢2個人都過百真喺好貴，人又多好快食完就回家，跟住就忙忙忙，7點半左右開餐，餐後食湯丸，老公因為啲花覺太少就幾年無行的花市今年都去行個運，2個女都話一齊，好多年無一家人一齊行，邊行邊講好開心，最後買多咗幾支百合，最開心喺買到一盤小蘭花，開開心心迎新年
時間過得好快過2日就喺新一年，呢幾日周圍都好熱鬧，而家慢慢開始放鬆，過咗3年平靜又擔心的日子，周圍都好多人，街市就更加而且樣樣都貴好多，年30都會準備盤菜同家人團年，所以今日都去買定部份料，價錢都開始貴，一斤菜心都20蚊，鮑魚之前買過50蚊有6只而家就80蚊6只，蝦就更加過百一斤，我就唔喜歡同人迫，最後都喺是旦買咗肥牛，金菇見好耐無食蒸魚又買咗條，回家阿囡又話想食炒年糕就簡單泡菜炒，煮煮下又多咗開開心心又一餐
