2019年最後一日晚的晚餐

今日喺2019年最後一日，先祝大家新一年事事順利，開心健康幸福快樂，今日一早搞掂各人出門自己食完簡單早餐都出門，今日都喺好忙明天放假，返到去通常趕煲湯等個媽媽午餐就有湯飲，如果煲魚湯就會先煲一碗比媽媽，午餐後就安排同BB沖涼，準備燉湯，小食同晚餐的準備，如果明天放假就會準備明天的湯，早餐料，午餐同晚餐的餸等媽咪可以簡單煮多啲時間休息，以前的除夕都會約班同學打邊爐倒數，今年因為要返工又未知情況點所以無正式約，但一早有同學問今晚會否倒數，就喺咁約咗幾個同學過嚟，本來已經叫老公買料打邊爐，點知她們想早啲開枱話好耐無玩，咁就改咗喺屋企樓下的味皇簡單食，我返到去差唔多8點，她們已經叫好嘢食住等，之後她們回家立即就開枱，我就去做蕉糖蘋果脆脆，準備今晚倒數，差唔多倒數老公攞盒金沙出嚟，她們話要切坐金山，點知砌極都砌唔到，還有三分鐘比她們成功切唔再跌，大家好開心拍掌後剛10秒倒數，新一年希望香港和平，唔好再咁亂，好開心的一晚

 蕉糖蘋果脆脆

 好努力砌金山

 終於成功無再跌

 大家舉杯賀新一年，健康幸福快樂

晚餐之百餘元的海鮮餐

話咁快又星期日，今日終於可以瞓晏啲，9點幾起身煲咗湯，同老公簡單煎蛋配麵包做早餐，好快就過年諗住執下嘢，但難得休息喺家覆下短訊睇下嘢又到中午，今日無出老豆度就同老公喺附近酒樓飲茶，飲完茶3點幾去咗官塘月華街買餸，以前的星期日一定同老公買定一星期的餸，而家每晚都唔知邊個喺到食，如果好似而家放工返到去8點幾9點通常簡單煮麵食，老公放假或假日先會煲湯煮飯，太耐無行呢個街市好多都變哂，見到平先買，好多唔同海鮮檔，以前買開的一檔還有，呢檔特色就喺平，種類唔多賣哂就無，今日見到有懶尿蝦$50二斤，蝦$68真係好平，買咗條黃立鯧，1斤蝦同1斤懶尿蝦收我$120，個老板話百呢蚊就有海鮮餐，買條菜加多碟肉就好豐富，我同老公都笑咗，所謂喺百呢蚊的海鮮餐睇下食啲咩，只喺魚，蝦普通嘢哈哈哈，咁如果自己煮當然平過喺街食，返去炒個豆苗同整咁豬手切片加個蒜茸汁就夠哂，細妹又過嚟食買咗泡菜叫我一試咁就加咗腸粉同金菇炒一炒今餐更豐富

晚餐之老公整魚肉釀茄子

今日boxing day,家中各人還放假中，只有我開工可以瞓多一個鐘，7點起身食咗簡單早餐就出門買餸後就去個媽媽度，假期搭車真係好唔塞車，9點幾就到雖然返10：15但車難預，每日連買餸都預2個半鐘，今日教個新手爸爸學沖涼，呢個爸爸都好快上手，睇咗好多次要試下等我放假就可同阿仔沖，每個BB都好享受沖涼，同BB沖涼盡量喺中午無咁容易冷親BB,如果過咗晚上8點，我通常建意她們唔好沖，因為太夜而且未熟手好客易冷親BB唔知，時間過得好快，唔經唔覺已經第三個星期，BB食得好重得快，暫時只係還未解決媽咪人奶問題，做咗二十幾個想全人奶的媽媽好快就搞掂，快三日到一星期左右最遲十日就搞掂，唯獨呢個媽媽還未搞掂，暫時都未清楚咩原因繼續努力緊，希望盡量可以幫到呢個媽媽全人奶，今晚交通好好8點前可以返到家，細妹今晚帶咗壽司過嚟食飯，昨晚已預備只雞，預備湯料比老公，今晚叫老公買魚同菜就可以，老公自己加多樣茄子，因為之前釀茄子搞唔掂又再試，我返到去見到老公整好好笑又用蛋去黏都喺散哂，我教他下次試用生粉抹茄子後放魚肉就得，最後他將茄子同魚肉分開上碟，我見到好好笑但都唔咁笑出聲，阿妹就專登問呢碟喺咩，哈哈哈

聖誕晚餐老公煮

時間過得好快又到聖誕，先祝大家聖誕快樂，今個聖誕要開工無假放，平安夜同老公二個簡單煮麵食，以前的平安夜一定約班同學嚟打邊爐，今年就靜靜地度過，因為車程遠又唔知幾點走，差唔多每晚最早都8點幾，呢二日老公放假就由老公煮，以為又喺二個就簡單食，點知阿囡同同學仔回來食，咁就我回家喺超市睇下有咩可加餸，阿囡返嚟見到咁多嘢就話咁豐富唔係簡單煮嗎？有朋友仔就唔可以簡單煮都要有啲餸，哈哈哈，飯後甜品就係同學仔帶嚟的蛋糕，估唔到有個簡單開心的聖誕

 少少排骨用梅子蒸好餸飯

 開礶即食鮑魚睇起嚟就豐富好多

 再加個蒜茸焗茄子簡單又好味

 再加一個牛油蒜蓉蝦就更豐富

 飯後甜品

豐富晚餐過冬至

又喺休息日咁啱冬至正日，先祝大家冬至健康快樂
今日都係好忙行程緊密，一早起身煲咗湯同老公食咗簡單早餐就出門，去咗車公廟每年年尾都會帶只乳豬去事原喺二女出世時我有些少意外，老公好擔心唔知點算好心中想著話如果我同BB平安就會帶只豬嚟多謝車公爺爺，就喺咁每年習慣都去，下午約咗家姐們同老豆做冬，所以好早就出門之後回家換衫出老豆度，二個女難得又得閒就一齊出，今年大女Master畢業可惜無行畢業禮，大女專登帶衫出去同公公影相，咁順便一家都影相本來話影完出街食埋過冬，但老公話有豬回家食，去完沙田回家還早，順便買咗條班，鮑魚同蝦，菜就回家，換咗衫就出去老豆度，食完飯影完相就回家，細女話好想食壽司回程時自己出去加料，今晚細妹都嚟熱鬧下，飯後唔少得食湯丸大家團團圓圓開開心心過冬至

女兒叫我穿上她的袍又影一輪，今次人生中穿的第二次唔係自己親身能夠享有的福氣，都喺占別人的榮耀，回想剛大女在肚時，有個朋友畢業專登帶衫到我家與我分享她的喜悅，突然叫我也穿起去影相留念就喺人生第一次，心想如果第時BB能夠好似她就好，估唔到影完學士今日又master畢業真係好開心，明年細女都大學畢業，我同老公喺時間要休息旅開心下，雖然唔係自己真正的榮耀，但真係感到好開心，女兒大個啦，祝願她事事順利開心幸福過每一天