豐富晚餐提早迎元宵

話咁快又完成一個job, 雖然呢個太太無收工利市，只有一封簡單的信，對我嚟講有一封信已經好足夠，無論內容怎樣都喺出自她們的心，我每份都認真做希望每個媽媽都可以有好的身體，bb 健康成長，完工前已準備咗五，六十個湯包，但還有藥材淨個媽咪都想我幫她整理好，最後幫她包多二，三十個，又幫她整理廚房的櫃，之前真的好亂，小食，藥材，礶頭.......等，幫她分門別類，搵嘢就一清二楚，雖然唔係我的工作，但對我嚟講無所謂，能做的都盡量做，今日放假啦又準備下一個媽媽，約咗明早家訪，就準備炒米茶包送比新媽媽生完立即可以飲，跟住就買餸，二個女今晚都有時間回來食，咁老公放工又買咗好多餸，話人齊提早過元宵，大女的同學到訪帶來湯丸，飯後甜品就好豐富的薑汁湯丸有苧丸，南瓜丸，芝麻同花生湯丸，好開心的一晚，傾下，食下，講下又11點

 三杯雞

 海鮮雜菜煲

完工的準備

還有二日就完工，呢個媽咪想我將淨底的葯材包裝成湯包，咁就每樣執啲都執咗幾拾包，可以飲足成個月，每款都有詳細說明，燉湯，滋補湯，通奶消炎茶，不同效用的炒米茶，希望呢個媽咪身體好

晚餐之薑蔥蒸多寶魚

時間過得好快又一星期啦，呢個星期更忙，雖然有工人但好多嘢都自己做，工人都忙清潔，各有各忙又加上就嚟完工，要將淨的藥材做湯包，等我走後可以繼續補，之前又整咗包比媽咪食，個媽咪叫我教工人整包，等我完工後她可以有新鮮包食，無所謂有時間就做啦，剛過星期五月囡囡滿月，我就整咗紅雞蛋，整咗個班蘭蛋糕，又新年就自己買咗鯇魚同燒尾請她們食，諗住大家開開心心

 滿月的紅雞蛋同蛋糕

教她們做的香草包 

第一次試用焗爐好彩都無焗燶

 做型的包

產後食療之當歸紅棗燉雞

時間過得好快還有幾日就完工，太太都開始進補，今日整咗當歸紅棗燉雞，今次用二只雞肶，咁媽咪就可以食哂唔浪費，材料簡單但就好好味
當歸有補血、活血、調經止痛、潤燥滑腸功效

材料： 雞肶2只，豬肉$10, 當歸3錢，北芪3錢, 紅棗6粒，薑片4片

 先將肉同雞出水

 其餘材料洗淨，全部入燉盅

 加入滾水浸過面

 燉3個鐘

 燉好可加鹽調味

年初二開年飯在九龍城富臨

每年初二回老豆家開年一定食午飯，但今年特別啲，大哥話食晚餐食好啲，喺九龍城訂咗枱食一圍全包宴差唔多四千，但早幾日落訂就有折$3,300左右，諗住過年都唔會好得去邊，但估唔到又唔太差，份量足招呼好最後有甜品還送大金，姐夫想飲紅酒，大哥就出咗去買二枝回來，但家姐就話開酒費貴過喺到叫，咁就搵經理問，又唔貴$88或$168一枝，姐夫話我哋自己帶咗嚟，經理好好話唔需要另收費，飲自己個枝就得唔洗另收費，還借開紅酒器比我哋，記得用完比返就可以，大家開開心心又影相，傾傾講講好快又十點

產後食療之元肉杞子燉雞肶

剛生完的媽咪頭星期最好食清淡同以食豬為主，可燉豬肉汁，肉片炒菜心，合掌瓜，節瓜.....等，可以簡單蓮藕，木瓜，節瓜....用豬展煲湯，第二星期可以開始加雞，最簡單就清蒸，燉雞汁，雞肉炒甜豆，四季豆.....今次介紹呢個用好簡單料配雞脾去燉，有健脾的功效

材料：去皮雞肶1只，豬展$10,
           元肉1湯匙，杞子1湯匙，
           淮山4－6片，南棗4粒

 如果淮山唔係乾曬，全白色多數有流黃，先用水浸十分鐘去流黃
雞肶同豬展出水，其它材料洗淨放入燉盅

 加入滾水浸過面

 燉三個鐘

 燉好可隨意加鹽或唔加就飲得

大年初一在家食，食，食

今日大年初一休息，祝大家新年快樂，身體健康，事事如意，開工後好忙都無整咩，老爺又喺醫院咁只係在家同去醫院，瞓醒起身煮第一餐，昨晚淨的炒個飯加個雜錦煲，下午茶整蛋撻同薄餅，晚餐有啲人上嚟又煮一餐，雖然無之前要跟老爺周圍去拜年，但都二邊走，簡簡單單咁又過咗大年初一

大年初一簡單的晚餐

 下午茶的薄餅同撻

 出爐未影只淨底二個

而家新蒸焗爐真係好好用，一次過可焗十幾個撻，薄餅都好大

 早午餐的

 臘腸蠔豉薑蓉蛋飯

雜錦咩都有，自己隨意搵自己喜歡的