完工晚餐在味皇

呢個星期好忙，終於搞掂晒，因五月果太遲咗，七月果個又早咗，好彩七月喺幫手比我做到五月滿月，而我就等她出院放工後每晚過去跟跟同bb沖完涼搞掂哂就回家，有二晚返學，跟住連續三晚放工再去差唔多十點先回家，通常返家前叫老公煮定麵比我食，但今晚只有我同大女話唔好煮落街食，大女先去叫定嘢，我搭車回去就立即有得食，今個太太都好開心又多謝我，走時比咗封信我，有啲客會比開工同收工利市，有啲就開工收工都無，而我習慣有就袋到完工，無就自己比自己但求一齊順順利利，未正式做的太太好誇張比咗封好大的開工利市，好開心做咗咁耐有的都喺意頭，而呢個好寫得，其實有或無，多或小我都一樣做好本份，雖然好攰但見到啲bb就好開心，真的覺得自己無選錯真係好適合我，今晚同女喺味皇可能太夜好多嘢都無，就叫咗碗粉同焗飯，簡簡單單又一餐，跟住就去超市買部份嘢準備明天的晚餐，每年七日都有班同學黎，今年雖然要開工但一樣招呼她們到家一聚，好彩老公又休息可以幫我買部份餸，咁放工回家就可立即煮

後補位上10堂撻&批

今日七月太太生咗又出院，剛今晚又要上堂去唔到，明天返遲一個鐘先去看看情況，有時間就同bb沖涼再趕回去，做多三日就算，起碼做到滿月，她自己可以跟有問題可隨時搵我，本來輕鬆等變咗未完工又要開新工，但好多嘢自己控制唔到，好彩七月太太都好人，咁我當然又要做嘢就喺收工再去睇睇，現在做緊呢個就咩到唔跟，只係簡單煲個湯煮二餐，又想食燉鮮奶當然無問題，南瓜餅，釀雞翼....，今日就燉鮮奶，昨日就南瓜餅，明晚又粟米廋肉釀雞翼，今日就準備好，明天時間趕因先去新客到，睇睇要回舊的，今晚雖然餵完bb差唔多六點先走，好彩半個鐘返到學無遲，喺大快活食個簡單晚餐，雲耳蒸雞，跟住上堂以為第一日只講，點知阿Sir話怕我哋瞓著，就今日先整蛋撻，真係好容易，二年前自己上綱攞料整咗都好成功，今次講完更加明，好易做以後早餐都可食蛋撻，原來可以做定皮同蛋汁入雪櫃，食時簡單將皮定型再加蛋醬焗15分鐘就食得
好靚的蛋撻，啲女話好似街買好好味

 先整蛋皮

 將皮定型

 入蛋汁再去焗爐焗焗就有新鮮撻食

 今晚的晚餐

 好耐無整，但太太想食就要搞搞

 簡單粟米加肉碎撈勻

 將雞翼起骨後用鹽糖醃一醃後，

跟住釀入雞翼

紫薯銅鑼消餅

今日星期日，好開心搞掂哂，七月的客生咗啦，好彩比我同舊的做到滿月30號，7月1日先正式開工，等她出院後應承每晚收工後過去跟跟同bb沖涼，總算解決問題，下午就去銅鑼灣學整銅鑼消，其實就係pancake, 只喺加咗綠茶粉再用紫著做餡，之前見有時間就報下名，最緊要喺唔洗錢，簡單的做法話上二個鐘，唔洗一個鐘就走得，跟住去搵電信公司出部機，點知搵到間嘢又無我要的又要走去炮台山，搞掂完就喺睇老豆，跟住同阿哥細妹食完先回家

產後食療之上奶湯4之王不留行通草魚尾湯

最近都比較忙，呢個湯喺之次煲過比個客，因為她塞奶又有硬塊還有些痛，同她按摩打鬆硬塊後再加呢個湯水，好有用消炎通奶，所以又介紹下，呢個湯適合餵人奶食得魚就可以煲，

材料：王不留行2兩，通草2兩，木瓜一個，魚尾3條，薑5-6片

 先將魚尾洗淨沬乾水，放入鑊煎香二邊

 將通草洗淨入魚袋

 木瓜去皮切細洗淨

 煎好的魚尾連薑入魚袋

 將所有材料加水入煲，先大火煲半個鐘

半個鍾後啲湯已奶白，再轉中細煲個半鐘後可加些少鹽就飲得

晚餐之蝦仁炒蛋

今日都係好忙，一早搞掂晒嘢就出門，今個太太好特別，唔跟正常坐月食啲嘢，算啦又無正式餵人奶，有就餵無就算都開始收，咁要求飲西湯煲咗羅宋湯，都係用咗蕃茄，薯仔甘筍同椰菜，午餐就上海粗炒，晚餐就香蒜肉碎火腿意粉，其實做咗咁耐真係第一次做，好多時啲人都好想食其它，但每次講完她們都會接受，而呢個就比較西化好多嘢都唔跟，星期日都有同她準備，但就好簡單薯仔雞翼同煮河粉啲料，湯就話要停一停，日日飲都好怕，已經好叻，原來好鍾意飲湯但就要好凍，每次飲完都會飲包冷凍過的飲品，但現在已經好叻飲完湯無飲凍嘢，每個人都唔同各有特色，跟左都有八個，有啲好緊張樣樣做足還要多，有啲是是但但就可以，呢個就更特別，七月個客剛通知bb生咗啦，好彩同她傾完可以等我呢個做到滿月才正式過去做，而每晚收工就過去睇下同bb沖涼先，好彩他老公喺幫手煮食比老婆，我就教他煮同煮咩嘢，終於解決就安心，今晚都早上煲咗湯同整咗豬手，老公星期六又收早叫他買菜同魚就得，因為雖然收五點半好多時六點先走得，bb飲奶媽咪又想我搞掂先走，返到家阿妹話上黎食咁好彩雪櫃有準備就加多個蝦仁炒蛋，好快又開餐

晚餐之白汁粟米魚柳

開工之後都好忙，每晚又喺去超市買餸，如果齊人食就叫老公幫手買菜同魚，但最近連老公都無時間，因放工要去老爺個邊先回家，因老爺可能有心病，人真係好得意有人陪就唔珍惜，到無人陪又孤單，剛入完醫院照曬心，肝，脾肺，抽血都做曬話無事，但都係話周身痛，每日都有嘢咁為有老公每晚過去睇完先回家，我又夜只有去超市買簡單的餸，今晚煮女兒最愛而我又好耐無煮，今晚的全是女兒最愛，老公唔太但都可以，自己家人就最好食咩都無問題，今日本來好開心因為有個11月預產的太太介紹咗個朋友12月中預產期，真係好開心多謝她們的信任，未做已介紹人比我，開心完又有麻煩事，七月的產婦剛通知見紅入咗院，本來五月的唔遲，呢個早產都無問題留咗時間，但五月遲咗三個星期，現在剛完二星期，希望可以到下星期等她滿月，我就可安心離去做七月早產的，但有時好多嘢都控制唔到，等她生咗再安排

產後食療之頭幾日湯水之核桃雪耳豬展

每個生產過程都唔同，有啲話生就生，有啲痛足幾日都生唔到要開刀，而家啲人好緊張自己生完後的保養，所以我哋就有工開，一個專業的陪月員應緊記我們的工作，唔好太隨便去做令到信任你們的新手媽媽更差，近年都開始興起母乳餵哺，無論媽媽或BB都有好處，通常生完頭幾日都係食啲清淡嘢好似廋肉粥，燉肉汁就已經可以，如果想飲湯就可以簡單合掌瓜，節瓜煲豬展，到咗第三日有胃口就可以食軟飯，簡單菜心炒肉片，燉肉汁或者簡單湯水，而上奶湯就千奇唔好急，要上咗奶先好飲，魚湯就怕有腥臭味同開刀就怕影響傷口，今次介紹呢個就啱未上奶又唔想飲瓜湯簡單好味又有營養的核桃湯配黃耳就唔怕膠質重，因為有啲人怕軟淋的雪耳膠質重怕塞奶

 材料：核桃半碗，雪耳半只，無花果2只，果皮一角，豬展半斤

 先將豬展凍水一齊煲

 出水一定喺凍水煲先會煲走的穢物

 雪耳用水浸軟去硬頭，

果皮浸軟刮㚂，無花果洗淨切細

 將所有材料入煲先大火半個鐘，轉中細火煲二個鐘調味就飲得

女兒做豐富晚餐同老公興祝父親子

今日雖然星期日都喺一早起身，先買料煲咗個椰子雞湯，搞掂細女出門同老公食咗早餐搞掂完嘢約11點帶湯就出門先去我老豆家，睇完老豆搞好哂就去老爺家，本來約好啲女同爺爺飲下午茶，點知老爺自己食咗嘢話唔出，咁搞掂完就走去同啲女飲，飲完細女就買料話做蛋糕比老豆，大女就同我買餸回家煮幫手煮，老公話難得就要去休息一下，今朝太早起但最後都無得休，大伯打黎話老爺唔舒服要去急症室，叫老公過去一等到九點，話未知咩嘢事叫我哋食先唔好等分分鐘等明天，已幫老爺照X-RAY，肺，心電圖.....哂嘢都無事，等抽血睇下，但抽咗第一次都搵唔到咩嘢事再等抽第二次，點知老爺又話去唔到大便，咁又塞約老公唔走得要幫他去廁所，老人家真的好麻煩由其是小氣個只，我都估到老公一定唔可以開心過父親子難得啲女又煮飯又做蛋糕，最後只留餸等老公回來食，已經深夜二點還未知，好彩老公飲茶時食咗啲，肚餓都無法啲女就好唔開心，搞到煮完都無心機食連蛋糕都放回雪櫃，老公就話今年的父親子確實難忘

 蠔仔煎蛋餅

 有機香芧豬扒

 蝦乾鮑魚炒什菜菇

薑蔥蒸班