豐富晚餐迎冬至

今日終於休息啦，同學入咗院幫她頂四日，第一日唔熟環境就差啲，跟住幾日就好輕鬆，個B都乖好快食完就自己玩同瞓，咁我就可以專心去做廚房嘢，可能之前照顧的家庭人多，好彩都搞得掂咁今次就easy好多，呢個家一樣有工人可惜又喺唔洗點做，我就好少理做咗自己嘢其餘就留番比工人做，可能香港人工貴怕請唔到人，啲顧主都怕咗她們，我做四日就見個工人姐姐成日帶住部機聽同睇戲，主人出去就喺聽睇劇，每日四點就入廚房下午茶，沖咖啡同食多士都唔錯，初頭一日都會問下食唔食之後都無理我，其實請咗個唔喺點做真喺幾激氣，好彩我無咁好褔氣請工人，哈哈，今晚喺嫁入馬家第一年冬至只得自己一家食，奶奶走咗後老爺話唔上我到食各自過冬，咁都照常煮得豐富啲，一早煲咗個滋補烏雞響螺淮山元肉杞子湯，今晚回去買條班同蝦，做節真喺貴好多，但一年一次算啦，再整多個咕嚕排骨又開飯啦

 女兒買回來的飯後甜品，當然唔少得的湯丸，湯丸忘了影相