晚餐之茄子炒什菇

這個星期好忙，又好攰同病咗，星期一同二晚都要返學，回家都十點半，老公就煮定麵等我，可能又冷親咳到死，睇咗醫生更差食咗葯後就嚴重咗，呢二日都唔再食，要再去睇第二個醫生先得，最怕自己咳一咳就好耐點都唔會快好，這個星期返又塞放又塞，6點收工有時未必準時走，但通常都6點半前上到車，但好多時返到去都差唔多8點搞到無哂時間，今晚又塞塞地返到去都7點45分，好彩老公買定餸而我今早出門前又煲咗南瓜湯，阿妹同二個女都返黎食，咁就要煮多啲啦，食完好攰搞掂哂就去瞓，我湊的b一日一日長大，現在的b真喺好醒，今日已經22日個頭已經自己轉左右，要同人講嘢又識睇人有時同他講，話食完快啲瞓唔瞓都自己玩我有好多嘢做，他真的好似知，老師講得妟叫我轉呢行，睇住啲b長大會好開心，而且又可以照顧大的飲食，見她好精神食得到更大滿足，雖然真喺好開心其實壓力同責任好大，每晚回家都會搵下書再淋下明天應該煮咩先適合她，最近啲同學都開始有工開，有啲好緊張都會同我取經，我都無所謂先要知她照顧的是怎樣才可比意見，其實個個唔同所以煮食都唔同，雖然好忙但我都樂意去幫，是實上自己都有得著好似做緊唔同的人，下次自己就更容易掌握又可幫到同學輕鬆去做

今次轉另一牌子，此中都喺食開個只好味

 今次用咗幾只菇去炒只喺簡單加蠔油，但自己覺得加豆板醬炒茄子會惹味啲