提早同老豆在樂富AOK食冬至飯

剛完工淋住休息下，上下散堂點知同學突然入院幫她頂幾日，呢二日搞到之前安排啲嘢全部取消哂，昨日的聖誕聯歡都無得去，錯失一份好喜歡的禮物，有時就喺咁好多嘢都控制唔到，同學開到聲我幫得一定幫，昨晚放工還趕去幫個同事，她生完Bb後雖有陪月但坐得唔好，情緒又唔好問我可否去幫下，咁完工都淋住去，無淋過做替工搞到想買嘢幫她補都無時間，五點半收左又趕去日出康城城搞到11點幾先走，回家已經12點幾再搞完些少嘢已經2點第二朝又六點幾起， 今日如常去開工幫四日等同學出院，希望她快啲好，同學呢個已經坐完想繼續補足三個月，陪月走了搵左我同學接手，而我只喺幾日的替工，二個月的bb實左太重啦，好吃力由其洗澡，之前果個初生b輕鬆好多，估唔到現在的b會重得咁快，今日雖然第二日已經輕鬆掌握到，對我黎講真喺無難道，去到未食早餐就立即蒸返熱飯同排骨，跟住bb唔洗跟就先煲通草水幫上奶，跟住開始整燉湯同煲湯，午餐的餸，先燉川弓白芷天麻大魚頭，湯就木瓜花生雞腳西施骨，午餐蒸排骨，菜心肉片同蒸黃花魚返熱昨晚的蓮藕章魚花生豬骨湯，晚餐就蒸班，灼菜心，薯仔豬扒，蕃茄花甲煮粉絲，搞掂哂就去老豆到沖涼後落樓下Aok 提早做冬，叫左六個餸都唔洗$400真喺算底食，有湯有飯同茶，開開心心又一餐