晚餐之海鮮煲同細女興舊歷生日

今日好冷好多人走去大冒山睇雪，我就令願有時間瞓多的，雖然星期日都好忙，細女要回宿舍，大女又要開工，一早煮烏冬熱辣辣食咗出門就全身暖哂，跟著就買餸煲湯，因細女話攰喺宿舍無得瞓，回來食晚餐明早再回去，又趕時間煮啲嘢去探奶奶，回來準備好啲餸本來又去睇奶奶，老公怕我辛苦叫我唔好走來走去，晚餐時老公就自己去多轉，我就幫學校買定賀年嘢，全日都好忙突然才記起今天是細女的舊歷，以前好少興舊歷，但女兒大了就唔同，通常有自己的朋友興祝，我哋就改舊歷或提前，本來昨晚已興祝就算，咁晏又回來食就煮豐富啲，買咗蝦，雞同細女最愛的黃立槍，又煲咗她最喜歡的粉葛鯪魚湯，原來昨晚打邊爐淨咗青口同魚柳就簡單牛油蒜蓉去煮蝦，青口同魚柳，最後大女放工買給細妹喜歡的蛋糕，食完還一家四口玩自柏，好開心愉快的一晚