晚餐之鹵水鵝翼

今日雖然放假但都係無咩點瞓，大女學人去跑馬拉松，半夜起身我哋都知，最後未到九點都起身，喺到睇馬拉松的消息，最好笑喺大女都無咩點運動就跟同學一齊報名跑，最後都完成咗今次好大雨搞到周身濕，準備咗薑茶等她回來，點知同個同學仔一齊回好彩都夠她們飲，等她們去清潔時就出去買點心回來，大家一齊食她們又分享今次的事，傾下講下好開心之後同老公出去奶奶到，她們都走，大女就去休息，去完奶奶到又去行官塘買野，今次買咗鵝翼$20有七，八只左右，老公就問是否火雞翼，無可能咁平喺燒味都要十幾蚊只，我就話買返去自己整，淋住整好明天食，點知整好時大女話好香整緊咩，當然老公最愛，其實啲女都好喜歡，咁就襯熱食咗先唔洗一個鐘就有得食，又買咗條多寶都唔洗四十，阿妹打來又上來食就買多份茄子，煮她最愛的魚香茄子，開開心心又一餐

材料：鵝翼2磅，薑5-8片，酒
汁料：鹵水料一包, 冰糖一粒，鼓油1杯，老抽1湯匙，水

 鹵水料：花椒1湯匙，八角1粒，草果1粒，香葉8-10片

 將鹵水料入袋

 先放入薑片有香味再加鵝翼

 加水同冰糖同水

 半個鐘左右啲水都差唔多無，再煮多15分鐘就搞掂