晚餐之椰菜炒魚肉

又一星期啦，今日雖然假期我都喺六點半起，因大女要上班簡單整啲早餐，跟著就去街市買湯料同煮咗個排骨飯就去醫院睇奶奶，同她清潔完就回家，休息吓又準備晚餐又整啲嘢輪到老公去睇奶奶，哩個星期好多時都喺簡單食，喺哩二晚先有煮吓飯，今晚焗雞翼最好笑大女一入屋話好香好香，好耐無問過哩種味，好心急問食得未，還未上枱都差唔多無咩淨，希望奶奶快快出院我同老公就可休息吓

晚餐之蒸鮑魚提早團年

今日星期六唔洗返，但都係六點就要起，老公同大女都返早，咁起身煮早餐同整個午餐盒比老公，搞掂個個出哂門都係七點半，本來想清潔吓家屋，就出去買湯料煲完就去老豆家，最後都上返床瞓到九點先起身，跟著食啲野就出去買湯料，順便幫學校買食材，搞掂完又夠鐘去老豆到，同老豆飲茶清潔煮好晚餐就回家，今晚本來三個食，點知細妹話上來食，細女本來去飲最後都係幫完手就回家，因為好攰好想返屋企，咁今晚又有五個食，回家立即去街市睇下買唔買到條魚，點知還買到飽魚$100都有18只雖然唔太大收工平啲比哂我，但都好新鮮，細女回來話好想食糖水，咁叫大女回來時就買咗腐竹，簡單煮咗腐竹雞蛋糖水，細妹又買咗糯米飯，見人齊就提早食團年飯，雖然簡單買咗燒鴨义燒，蒸條白花，鮑魚同炒菜，還有個椰子粟子雞湯，大家邊食邊分享細女今天幫同學婚禮的事，而且又講吓大學的情況，傾下講過咗愉快的一晚

在百匯酒家同老爺興生晨

哩兩個星期都好忙而且好攰，奶奶入咗院這個星期差唔多晚晚收工都過去同奶奶清潔完先回家，這幾晚返到去連超市都無菜買，只係簡單煮麵食，昨晚回家更夜八點幾，最後都係家附近買幾個飯盒食完就算
一早預咗今晚同兩老興生日，因老爺同奶奶只差一日，以前多數食老爺果日，點知奶奶投訴話無正式同她做生日，咁舊年開始就分二日食，今年就講好提前食，點知奶奶又入咗醫院，咁今晚就同老爺做生日先，喺老爺家附近的百匯食，因二個女都趕唔切只食七個，叫咗半圍特價全包龍蝦海班餐再加多幾個餸都喺千三蚊，真係好底食都食唔哂打包，啲食物都可以唔太差，而家啲野咁貴都算幾好

龍蝦麵人，好大碟都幾好

日式并盤 

 帶子海鮮拌菜

 海皇翅

 海鮮卷

 炸子雞

 海班

 鮑片拌菜

 另叫的第一個燒鵝

第二個炒班球

第三個柚子蝦球

跟餐的壽包，本來有個生果盤，最後原來無來我地都忘了

晚餐之海鮮煲同細女興舊歷生日

今日好冷好多人走去大冒山睇雪，我就令願有時間瞓多的，雖然星期日都好忙，細女要回宿舍，大女又要開工，一早煮烏冬熱辣辣食咗出門就全身暖哂，跟著就買餸煲湯，因細女話攰喺宿舍無得瞓，回來食晚餐明早再回去，又趕時間煮啲嘢去探奶奶，回來準備好啲餸本來又去睇奶奶，老公怕我辛苦叫我唔好走來走去，晚餐時老公就自己去多轉，我就幫學校買定賀年嘢，全日都好忙突然才記起今天是細女的舊歷，以前好少興舊歷，但女兒大了就唔同，通常有自己的朋友興祝，我哋就改舊歷或提前，本來昨晚已興祝就算，咁晏又回來食就煮豐富啲，買咗蝦，雞同細女最愛的黃立槍，又煲咗她最喜歡的粉葛鯪魚湯，原來昨晚打邊爐淨咗青口同魚柳就簡單牛油蒜蓉去煮蝦，青口同魚柳，最後大女放工買給細妹喜歡的蛋糕，食完還一家四口玩自柏，好開心愉快的一晚

晚餐之打邊爐同細女興生日

今日喺細女生日，而家女兒大了生日都好難約，以前會安排出去食自助餐，但這二年都好難安排，大女的工作又唔定時間，細女入咗大學又好忙，細女今晚專登出來食晚餐，但家姐又要夜，咁就簡單喺家打邊爐，細妹好有心，年年都記得買蛋糕來，因星期六又要返工又去老豆到，奶奶又入咗醫院，今晚就老公去睇奶奶我就回家買嘢準備，回家已七點最後都喺超市買嘢，可能太夜同太凍，好多人都打邊爐咩嘢菜都無只買到一包西楊菜同一包白菜，丸，點知家姐同姐夫又過咗來，就去超市再買蝦同青口，雖然食物唔多同簡單，但個個都好開心，食完蛋糕家姐，細妹都回家，開開心心又一晚

同學生日在龍寶國際

今晚又出咗去同啲同學食飯, 一月有二個同學生日，今次買咗一式一樣的手指比她們做生日禮物，早幾日心情唔好，奶奶又入咗院，以前入院就日日去睇，現在就同老公輪流去，因為太遠去到都過咗探病時間，今晚就約咗同學所以無去，工作方便本來已遲咗，但同校長傾完就比自己喺到實習下自己適唔適合喺哩個 level 工作，校長同我講哩個 level 人喺咁唔同寫字樓，話如果我都係入返哩行，就要試清楚自己適唔適合繼續喺哩行，就喺咁又繼續試下自己做唔做到
講反今晚喺龍寶食自助，主題喺台日但都無咩特別，好彩價錢都合理$298連加一，連生日就比$447, 但食物方便我就覺得同以前差唔多，最特別就喺溜心芝士撻

 我就一連飲試咗三款湯，第一粉葛湯好淡無味

 粟米湯都可以

 蟲草花雞湯最好飲

 熱暈都好多款

 燒烤都好多款

什錦台式米粉

 魚生都有幾款

 肥牛卷

 燒大蝦

 甜品

 雪糕

 各款蛋糕

 溜心芝士撻一般，我就覺得太甜