紅燒原只大豬手

這半年放工返家好多時都喺超市買餸, 搞到收銀又熟連豬肉檔都熟哂, 好多時返到去肉檔已收工, 這2個星期遲收所以好多時返到去都見到個阿姐, 昨晚就同她講話好想要成只豬手, 點解見到的都斬件, 她就話如果要可以留比我, 我話可以嗎?? 她說係無問題, 就叫她留一只好似豬嘜的咸豬一樣, 我以為她只是說說, 到我回去時專登去搵她, 點知收左工啦, 原來真喺有留, 她的同事認得我, 問喺唔喺留了豬, 我好開心話真喺留左, 就喺咁帶左返屋企, 我都喺第一次買新鮮, 我問老公點整, 老公就話紅燒啦, 我就食完飯後用飯煲整, 又唔哂睇火, 乾淨俐落

先將豬手洗淨再刮清豬毛

先出水(我就通常一齊煲)

滾起多5分鐘左右就再洗乾淨沬乾

用鑊煎香豬皮

一粒八角, 一湯匙花椒, 一湯匙老抽, 4湯匙生抽,
一湯匙冰糖, 薑數片和蒜5粒

全部放哂入電飯煲加水浸個豬手開制
電煲有到好就喺乾水會跳制

最後試味和軟淋度就搞掂