喜歡煮食的我, 每日開心煮和大家分享每一餐
今日喺細女正日生日本來唔洗開工就自己煮，點知突然有個媽咪想我幫手話2個月，雖然一月中比個媽咪甩咗底我就缺定休息同老公去旅行同約啲媽咪去探她們，最後做個幾星期做埋今日因明後去佛山探老師，今晚話買外賣，後來細女話有將優惠券4人同行一人免費就去試，因無得訂枱細女放早就去攞枱先，最後太多人我哋到哂還要等就改地方，大女以為阿妹喜歡燒肉喺apm搵到間，估唔到無人就去問點知態度奇差就又搵過間，最後就去咗3樓食京菜，諗住會員有優惠點知話套餐無，我哋叫完之後先知，話散叫先有折大女到先攞枱無諗過咁貴，覺得最抵都係食餐都要千幾蚊加一連茶錢埋單差唔多1800大女比錢話請細妹，雖然貴但感覺都可接受，服務好，食物就無特別好食都係一般，我同老公都話唔會再嚟，試一次就足夠，正日生日家姐專登訂蛋糕比阿妹，飯後攞蛋糕回店，原來要切餅費，我哋話只影相，有個好好比火機我哋，跟住影完就埋單回家享用個蛋糕，開心愉快的一晚
片皮鴨半只都好足，呢度配埋山楂又幾特別
又星期日啦，呢幾日都開緊工非常忙碌，而家喺幫過之前做過3個幾月的媽咪打散，呢個媽咪3年前第一個女做咗3個幾月，第二胎搵我我無期請咗陪月話一個月最後搞唔掂都做咗3個月，成日問我幾時上去探她們，剛完工後就安排去探她們，知我完工想我接住做2個月，主要培訓個奶奶湊bb雖然有工人但係一個怕湊唔掂兩個，想奶奶喺度幫手餵奶換片，因為個媽咪就嚟返工但係我就冇時間，個媽咪知我教得掂奶奶，話之前個陪月教咗成個月都搞唔掂，所以想我幫手，因為之前個姐姐剛到都喺我教出嚟，我就比咗可以去的時間個媽咪，她好開心話無問題，自己一月都會比較忙啲又約哂朋友同舊媽咪返去探她們同埋去旅行，做咗一星期，個嫲嫲好用心但可能比人話得多，感覺好緊張同好怕，我就耐心教幾日都做得比之前好，個媽咪非常滿意好開心，今日約咗家人一齊去美麗華酒店食buffet同細女提早慶祝生日，第二次嚟美麗華酒店食午餐，上次喺閒日食問都好多，今次個午餐價錢貴啲但係就非常之豐富，家人非常滿意，個個食得好開心，龍蝦半隻任食，仲有好多花膠唔同去煮，好多好多唔同種類嘅食物，每樣試少少都試唔哂下次有機會再嚟，紅白酒任飲，還有鮮搾果汁，啲女最愛，訂枱時寫咗喺慶生日差唔多完時有生日蛋糕仔可以同女提早切蛋糕非常滿足開心的一餐
長腳蝦都肥美，還有其它海鮮
今日星期六老公唔洗返，下午出席一個BB的一歲生日會，早上在家食完早餐就同老公出去，因為睇到一個台灣團喺新年時間啱就去報名，搞掂完同老公去咗薩莉亞食午餐，老公未試過就去一試，鍾意呢度好隨意食而且食物都多，飲品加十幾蚊就任飲，喜歡飲咖啡的我就最啱，而家老公都喜歡，喺韓國飲杯都要杯都要幾十蚊，老公話抵飲2杯都夠，食完行一陣老公回家買餸，我就去參加生日會，好熱鬧喺間大廈入面，地方可容納3-40人有成個好似歡樂天地的波波池，小朋友最開心，另一邊就有啲小食同飲品可以招呼啲大人，4點左右切餅後影相，5點就要清場，幫手搞掂就回家，本來老公煮，阿囡話要搵爸爸去幫手整啲嘢，叫我喺官塘等順便食埋先返去，等到她們搞掂差唔多7點幾8點就係APM 一間泰菜館試下，叫咗二人餐加個海南雞怕有啲辣老公食唔到，阿囡話味道就一般，而我同老公都話ok，充實的一天
午餐同老公簡單食，只喺幾樣老公話好夠，下次先試pizza
今日約咗剛完工的媽咪返去睇下，個女幾日無大便再去跟一跟，通常完咗工啲媽咪就會唔夠湯水，飲水又少生果又唔點食，早上去到先跟飲奶情況後就等下一餐試餵，睇下有咩唔同，坐到午後就幫BB 沖埋涼先走，順便教多次姐姐點同BB 按摩個肚，等她容易去大便，沖完搞掂完都2點幾，走時搵間嘢食，雖然喺呢度做咗個半月，幾年前又做咗2個多月都只係返去媽咪到放工就搭車回家，唔知邊度有得食，周圍行見到間食越式粉麵就入咗去，無下午次而家喺咪都無下午茶，之前喺香港果邊食一間又喺無，今次呢間都喺你，餐廳細細幾張枱，只係叫咗個雞翼檬粉食完又回家買餸，今晚以為得我同老公就煮芫茜皮蛋鯇魚湯，點知阿囡返就加大盒豆腐一齊煮，太耐無煮特別覺得好飲，湯煮出嚟好似牛奶咁白非常好飲，阿囡又想食雞軟骨就簡單加泡菜炒一炒，加多個菜同煎餃子又開餐
諗住有個悠長的假期跟家姐去法國探女，點知時間唔啱就無跟，昨晚夜機過咗去，呢個月好多嘢搞，好似今日就要去覆診對腳，對腳11月中做咗靜脈曲張微創手術，做完手術覺得無咩嘢就第二日返工，自己又唔記得去旅行又唔小心跌落地傷哂，今日覆診醫生話都幾好，喺唔會完全無事，7月再覆診時再跟，搞掂完已經12點幾就諗住附近搵食，但都唔知食咩又唔想快餐店，突然好想食檬粉就周圍行睇下有無越南餐廳，行行下見到有間就入咗去，已經差唔多2點，估唔到呢間喺無下午茶，咁就是旦叫咗碗檬粉食完就買餸回家煮，簡單煮個礶頭湯加啲粟米加埋蘑菇喺細囡最愛，又話想食蓮藕餅，炒個菜半煎煮條黃花搞掂就開餐
