今日約咗陪月同學食午餐，已經差唔多2年無見，疫情前一年又好混亂，跟住又疫情，而家見疫情好些少就約咗幾個出嚟食午餐，好開心太耐無見傾下差啲唔記得要買餸煮飯，大家話下次要早啲可以傾耐啲，跟住各人回家買餸，我就去咗百佳簡單煮今晚只有我同老公通常一煲過就算，見鴨有特價買咗半只回家，起初唔知點整好，後來發現有支細紅酒，就簡單下個洋蔥，紅酒加埋冰糖去蚊可以比老公帶飯
材料：鴨半只，細洋蔥2個，薑片6-8片
紅酒一細支，冰糖1湯匙
炒到有香味就加回鴨件繼續炒香
喜歡煮食的我, 每日開心煮和大家分享每一餐
2021年9月19日星期日
食譜之電飯煲煮紅酒燉鴨
2021年9月18日星期六
2021年9月10日星期五
晚餐之麻辣雞煲配芝士蒜茸义燒焗大蘑菇
呢2年疫情搞到生活都亂哂，除咗返工就一定在家邊度都無去，以前每完工有休息就約人出去，連自己家姐同細妹都喺呢半年先出返嚟，但都喺出外食嘢唔會好似以前咁去我家食飯打下麻雀，疫情到而家今次休息時間最長，好彩疫情比之前好些少可以約下啲人出嚟，今次預咗時間讀個課程所以呢2個月無接job, 但好可惜而家還未知幾時開學，可能又讀唔成，11月的媽咪通知會十月尾開刀，咁應該11月頭就開工，今日如常搞掂各人出門後搞掂就出去同個中學同學食午餐，太耐無出一傾又幾個鐘，跟住各自買餸回家，阿囡又話回來食好想食麻辣雞煲，咁買咗只雞回家斬件後先用干蔥，蒜同薑爆香啲雞後加麻辣醬去煮等她們回來加埋菜滾熱又開餐，細囡買大蘑菇話好想食，大囡又買咗威靈頓牛柳話好抵，我就完全唔覺特價都$198-2細件，又話要食咁就焗嚟食，焗完大蘑菇邊食邊等再焗埋牛柳
呢個牛柳唔喺成塊，喺將牛肉啄碎再加其它嘢，所以我覺得麻麻同唔值
2021年9月8日星期三
晚餐之魚肉生菜
今日終於打埋第二針疫苗啦，今次打十點無咩人唔洗點等，記得第一針打8點一早去好長龍入到去搞掂完好似個半鐘，今次都唔洗一個鐘就搞掂，今次喺男仔打我見到唔知點解感覺有啲擔心，點知又打得好好原全感覺唔到好快話打完，上次感到打入去同有抽藥水的感覺，今次原全無快到好似無打咁，我打完回家途中老公問我時我話都唔知喺咪無打咁，老公就話咁好手勢打到無感覺咪好，本來打完回家今晚外賣，個個都話第二針好勁，我打完第一針只手就脾同舉唔起，所以都有啲緊張，點知完全無嘢就去咗買餸回家，到下午個人可始有啲攰走去瞓陣，一瞓就7點老公打嚟先醒，咁叫老公買外賣pizza或雞，自己加菜，老公就好搞笑只係買咗一個pizza回來再加幾件雞，咁我就將啲菜加咗魚肉做咗湯，其實好耐都無食生菜魚肉，啲囡好開心話好好味，出面而家唔知幾錢食一碗，我就喺出面唔會食呢啲，家姐同細妹都喜歡食，記得以前嚟我家就一定整魚翅，生菜魚肉比她們食到飽
而家pizza hut都幾貴無特價餐，呢個只係得菇最平都要$160,真係唔抵食
打完出嚟時搵人同我影張相留記念
2021年9月7日星期二
晚餐之蕃茄煮雞軟骨
9月喺開學的日子，開始正常返工返學的日子，而我因為報咗個course由8月中等到而家還未開到班，就約朋友同之前完工的媽咪聚下，舊年疫情到而家先有時間休息去探下她們，早前老公放大假就出去周圍行同食嘢，而家開始如常5點幾起身準備早餐同午餐盒比老公，跟住去瞓一陣，8點輪到啲囡起身出門，自己唔洗返都會跟哂她們出門先，搞掂晒就清潔一下，上下綱睇下電視，午餐無約人就在家簡單食，如果晚上人齊通常都會煲湯，煮幾個餸，如果得我同老公就多數灼菜同肉簡單食，今晚大囡話應該會準時收工可以返嚟食，咁就出咗去買餸順便去咗樓上，今日好好彩買到2包三文魚頭，跟住再去街市買雞軟骨啲囡最喜歡，雞軟骨嚟嚟去去都多用黑椒，沙嗲醬，蠔油，三色椒去煮，昨日老公買咗好多蕃茄今次就試用蕃茄酸酸甜甜原來都好好味，啲囡又喜歡又多個煮法，炒菜同焗多個金沙骨又開飯
今日好彩喺樓上買到2包三文魚頭就簡單薑蔥煮
材料：雞軟骨1磅，洋蔥1個，蕃茄4個
先將軟骨用鹽水浸幾分鐘可去雪味，跟住洗乾淨用半茶匙鹽醃一醃
洋蔥去衣洗淨切細
蕃茄洗淨切細
煎到2邊金黃
加入洋蔥炒勻
炒到洋蔥有香味金黃
加入蕃茄炒到蕃茄軼淋出水
最後可以加試少糖試味就搞掂
訂閱：
文章 (Atom)