時間過得好快開工已經三個星期有多，下星期就完工啦，開工後好忙呢份工好似好近，但要三程車先到，所以都差唔多預成個鐘返去，比喺香港一程車耐，如果塞車就更煩，每晚都差唔多6點半7點先走，最早都喺端午節差唔多6點就走得，於本來端午休息呢個媽咪無人幫，老公要返工見自己都無特別嘢做就返去幫手，今日提早做滿月，之前個媽咪話滿月無嘢搞，點知無啦啦話提早幾日，還要9點前沖涼又要拜神同帶BB落街行一圈，每日我都早大半個鐘返去，今日諗住盡量早又要買好多嘢準備滿月晚餐，昨晚收工前準備好薑水同柚葉叫媽咪先用柚葉同女洗面，自己可以加熱啲水就可以洗頭先，最後媽咪只係簡單用柚葉洗面等我回去再安排，今日更加忙，返去洗奶樽先如果唔係就無得用，通常用哂，返去要第一時間洗，跟住沖炒米茶，如果咁啱BB差唔多要食又要處理先大約半個鐘到一個鐘，之後就煲薑水用嚟洗手同沖涼，搞掂完就立即處理湯，燉湯同午飯，盡量趕12點半食，因為4-5點左右就飲燉湯同小食，每日都準備唔同少食比媽咪配燉湯，食完午餐就同BB沖涼餵奶後就洗BB衫如果少多數手洗，如果換床單多就開機，通常幾日就洗一次會比較好啲，頭幾日又忙幫媽咪按胸通常出院都塞要搞幾日先搞掂，又搞換片，講下安全資訊點樣可以安心處理BB, 通常頭星期一定遲收工，之後就可以唔洗太晏收工，但呢個媽咪家好污糟，可能有咗後又開工無時間同精神去清潔，老公又忙，奶奶年紀大，阿婆唔得閒，自己都喺引唔住有時間就邊處理，先清潔廚房煮食太唔乾淨都感覺唔太好，差唔多搞咗幾日先清理好，跟住搞廁所真係想像唔到可以咁，但都係簡單做咗自己做到果啲，最好笑清潔完浴缸媽咪見到後話，Angel你好利害點解可以搞到浴缸新一樣，我都唔知點回應好，初時屋企地下都見到唔太污糟，應該個老公回家有清潔，後期可能太忙，我又睇唔開就幫埋吸地，太污糟就用紙巾抹下，搞到個人好攰每晚回家沖完涼食完飯喺sofa好快就瞓咗，老公又唔叫，醒咗又立即去準備明天的早餐同午餐盒，搞掂完就去瞓，第二朝又5點幾起身，老公返工正常返，6點半就出門所以要5點幾起，如果阿囡返早跟住就處理埋，自己食完早餐就出門，已經好耐無寫blog, 明天星期日今晚先發現原來開工後都無入嚟，一定要寫下反正明天在家休息，早2星期日都出咗去家訪7月同去一個媽咪家睇下個BB, 而家太忙晚晚都辛苦老公煮，返到家好多時都8點後，今日差不唔多7點先走，昨晚準備只雞比老公焗，返熱啲糉再加一煲過，老公好搞笑無啦啦新菜式將只糉加蛋去煎，最後只有我同老公食，啲囡都喺食少少，可能有只雞2個囡都喺喜歡焗雞，簡簡單單又開餐
