晚餐之鮑汁蚊鴨掌

今日有時間去咗探舊年四月的仔仔，時間真係過得好快，阿仔已經9個月，媽咪話剛開始無埋身餵人奶喺因為阿仔出咗4只牙，呢個仔真係好得意，好叻，嫲嫲好有心機湊得好好，每日都教他好多唔同啲嘢所以已經識好多嘢，最好笑喺嫲嫲叫他同我做massage, 他真係好認真喺我只手到按下按下，問他咩嘢都識而且好乖，當我去到媽咪問他認得Auntie Angel 嗎？話抱抱他好似知第一時間就比我抱，呢個成日笑開心果，見到都好開心，之前媽咪都周不時比相同video我，見到每個仔或囡成長真係好開心，呢個媽咪同BB湊得最耐二個幾月，回想那二個月好開心，她們一家好和諧老爺奶奶都好好，今次上去奶奶都專登過嚟比利市我，我真係無諗到好唔好意思，諗住過咗元宵無準備，呢個媽媽又好客氣送咗盒手工曲奇比我，搞到我好唔好意思，下次再去一定要請她們食飯，大家好開心傾下講下又要走啦，阿仔都開始想瞓，今晚老公早收幫我準備好，以為回去簡單煮，點知返到去見老公喺到搞鴨掌，她同事又送咗比他，只係用個煲仔去出水，搞到周圍都喺，我立即就換煲同用鮑汁去炆諗住唔夠時間，估唔到好好味，又買個大魚頭用薑蔥去炆，搞到成九點幾先開飯，明天星期日可以瞓晏啲，開心的一餐

阿妹又上嚟食話試她過年買比我的瑤柱臘腸，我都忘了回家老公已煲好飯，咁就切片去煎二條，感覺好咸好硬無瑤柱同普通的無分別，下次可以唔洗再買

晚餐之金針羊肚菌炒菜心

今日回家時，隔離屋好客氣話有嘢比我，叫我一定要通知她，我話唔洗客氣都唔得，咁就攞咗回家，原來喺金針話她們家鄉自己新鮮乾哂，唔同出面見到個樣就黑黑哋喺因為無加防護劑，叫我放心食好鮮甜，又比咗些少羊肚菌同黑杞子，我喺一個第一時間試嘢的人，羊肚菌聽得多真係未正式食過，回家立即浸咗些少同攞咗部份金針去浸，羊肚菌浸好快就淋，但入面好多沙要洗多幾次，煮時要搾乾水，金針雖然樣貌唔好，但真係好鮮甜，飯後又第一時間沖咗些少黑杞子，感覺好似提子汁，原來唔可以高搵沖，大約60度水溫最好，色水就紫同藍，水溫都會影響沖出嚟的顏色，味道都唔錯，比一般紅的無咁甜

喺綱上百科睇到這二樣的功效同大家分享，無論幾多好處我自己覺得均衡飲食先喺重要，每日都食不同種類，喜歡的都唔好日日食
黑枸杞的性味甘平，中醫認為，它能夠滋補肝腎、益精明目和養血、增強人們的免疫力，抗疲勞和降低血壓之效

羊肚菌具有補腎、補腦、提神的功能。對長期食用可防癌、抗癌、抑制腫瘤、預防感冒、增加人體免疫力的效果。 減肥和美容也有功效，特別是對女性經常食用羊肚菌不但可以美容、增白，還可以消除面部黑斑、黃斑、雀斑、暗瘡等作用，還能使皮膚長期保持細膩、嫩白、光滑。對消除焦慮，增強睡眠質量，都有良好的效果，所以羊肚菌對男女老少都皆宜

用水浸菇同金針，洗乾淨後都要搾乾水，金針唔搾乾水，食時會有酸味，而羊肚菌要洗淨

 先用薑蒜爆香加入菇同金針炒勻

 可加些少蠔油會惹味啲

 最後加入菜

 炒勻試味就食得

 黑杞子先用冷水洗洗

 加入60度左右的水焗15分鐘就飲得

芝麻湯丸

每年都有幾日會食下湯丸，好似中秋，冬節年三十，元宵，代表一家團團圓圓，我喺唔太喜歡甜嘢，所以都好少食，以前奶奶一定整細細粒當中有幾粒紅色，但家中各人就喜歡有餡的湯丸好似芝麻，花生之類的有時都會買回家煮，今日元宵個個都想食，咁就快快手開料，其實都好簡單有齊料就即做即食，剛好喺點點綠買咗礶有機芝麻粉真係好香，今晚就整芝麻餡湯丸

皮料：糯米粉140g, 暖水120g
餡料：芝麻粉35g 糖30g 油25g

先將餡料全部撈勻，如果想甜啲可用夠35g, 如果想香啲就改用牛油或豬油，而我就喜歡用橄欖油，如果撈勻還好散可加多些少油，因為糖同芝麻各種吸水都唔同

做好餡放入雪櫃雪雪包時更容易，跟住做皮將粉加水撈勻

 麵團撈勻唔黏手就可以

先將麵團分細，可分16份

 將麵團整個窿

 放入芝麻餡

 包好搓圓就可以

 用四碗水加糖同薑煲滾

 放入湯丸，當湯丸浮上面就熟

豐富晚餐興元宵

今日喺元宵節，祝大家元宵快樂，一家團團圓圓，早幾日有朋友去完韓國專登送咗包人參雞話好好飲要比我一試，今晚齊人可以一齊試，簡單返熱就飲得，大女唔洗返學有啲唔舒服所以無出去，細女就專登返嚟話陪我哋食飯，可能以前習慣節日都會一齊食，所以而家無特別事節日都一定回來食，今晚老公收早又幫我買定餸，都係簡單魚，肉同菜，成個過年無整過香切雞，多數炒或焗，今晚就簡單用酒同鹽醃一醃蒸完斬件配薑茸，烏頭無鮮檸檬就用冬菇，魷魚同肉碎去明爐又幾好味，飯後就話要食湯丸，家中有料就立即整，阿囡又嚟玩，玩到爆哂口，樣唔靚味道就話好好味似街買，其實都係果啲嘢，開開心心又一餐

 呢個人參雞味道真係幾好

 自加制的芝麻湯丸好好味

晚餐之咕嚕排骨

又到星期日可以瞓晏啲，最後又一早起身去準備，今晚本來只有大女朋友嚟拜年，點知叔仔問今日在家嗎？剛去完旅行上嚟拜年，老公當然開心問細路會否晚餐先走，細路話好呀，咁老公就同女講，你的朋友唔介意就嚟唔係就改期，真係親情大過天，最後好熱鬧又十幾人開餐，買咗新鮮椰子叫老公去開，新鮮當然好啲但功夫就多咗，要先去毛再放椰水跟住整開將椰子攞出再去皮切片又搞咗成個鐘，先煲湯因下午又出去同老豆飲茶喺必定的節目，而家每個星期日老豆都換好衫等我哋去飲茶，飲完就買魚，蝦同其它餸返家準備，買咗排骨諗住蒸就最簡單，點知姪女想食就轉整咕嚕，但無三色椒又無菠蘿，最後就洋蔥加蔥搞掂，一上枱可能太細碟好快就唔見咗，大家說說笑笑邊食邊飲紅酒，好開心愉快的一晚

象拔蚌花膠炒西蘭花

咕嚕排骨

香草雞同乳鴿

冬菇豆腐煮菜心

 蝦喺平咗但就好似唔夠

 今晚條班就無過年咁貴

此中豬手都係黑椒煮最惹味，唔洗好似之前煮發菜蠔豉食到年初十

 細妹都嚟熱鬧，專登買嚟的飯後甜品

每個星期飲茶例牌都係呢啲啱老豆容易食