自家制章魚小丸子

又星期六啦，時間實在太快，可唔可以行慢啲，今日又喺一早起身準備早餐同午餐盒比老公出門就去瞓多陣，8點半整咗早餐就叫個細起身，她要出去教畫，大囡今日唔洗返，下午都唔需要出去上堂，要趕功課叫我唔洗理她，大家食咗早餐她就去做功課而我又去街市買餸同準備明天去拜奶奶的物品，點知大囡打比我話想食小丸子叫我順便買，喺街市入面有一檔，以前買一送一$16有10就唔覺得貴，而家無優惠$16得5粒就覺得有啲貴，家中又有配料，只喺無墨魚咁就睇下買唔買到，最後回家自己整，開個粉章好快就有得食，食得暢快又好味

材料：麵糊，椰菜1碗，墨魚鬚一小只
麵糊料：中粉100g, 蛋1只，水200g,牛奶50g，泡打粉1茶匙，鹽少許

先將麵糊料全部撈勻無粉粒，

墨魚洗淨切粒，椰菜洗淨切碎 

 先將麵糊倒入模具加入椰菜同墨魚粒

底開始有金黃就反轉另一面就搞掂

 可加入自己喜歡的醬汁

自家做全素午餐

昨日家姐打嚟話表姐喺澳洲回港，想明天到我家坐下，呢個表姐喺食齋好多嘢都唔食，昨晚已經買咗部份嘢，而且老人家比較心急，而家休家通常無咩特別搞掂完各人出門都會瞓多個鐘到8：30左右先起身，但今日諗諗下都喺先清潔個家，跟住準備食物，好彩快手的我差唔多搞掂，剛整豆腐皮蛋時就接到她老人家電，以為還有一個站，點知喺早落咗一個站，就立即出門去搵她好彩接到，就通知家姐帶孫過嚟，本來約咗11點喺家樓下巴士站等她，點知都未夠十點已到咗，一早煲咗個眉豆花生粟米紅米粥，跟住炒好個伊麵同準備好餃子料，人齊就一邊食一邊傾就去到二點，帶表姐去搭車後就去買餸準備今晚餐飯又一日

 家姐孫仔最愛蒸蛋糕

羅漢齋伊麵

 皮蛋豆腐還有自家醃的子薑都喺表姐最喜歡的

 杞松茸雜菌餃子，今次加咗杞松茸另餃子味道提升了不少

 粟米粥表姐話好好食

 芝麻包，表姐話太多，最後比她帶回酒店食

午餐在HotelVic

差唔多又一星期啦，今日家中全日無電咁就要搵地方去，以前返工就唔知原來每五年就大check一次，連電梯上樓都會無，雖然住得唔高，但無電就真係好煩，咁約人出去食午餐，今日專登過香港試新酒店的自助餐，舊同事之前話同我去試好抵食，最後都無去，去咗百樂酒店有折後差唔太多，她講到咁好我都想一試喺咪咁抵食，真係有啲失望，環境真係幾舒適，但嘢食嚟講真係半自助都不如，感覺似食下午茶，熱盤得四，五樣無變，湯就中湯同麵豉湯，魚生壽司，經典包菠蘿，雞尾同牛角，喜歡食包都幾好，而我就唔太喜歡，雪糕用個大轉盤好似好多樣，其實都係二，三樣牛奶公司產品，已經好耐未試過食自助喺牛奶公司，但就好似龍寶咁有支裝玉泉同可樂，唔覺得有咩特色，唔喜歡魚生，沙律可以話無嘢好食，甜品有幾款，但朋友話好難食，我就無攞，雪糕得雲尼啦同朱古力所以我都無食，埋單每人$188, 原來加咗$20更加唔抵食

地方大還境喺幾清優傾計最好

 枱都好大坐得舒服

 Pizza同雞

 雪條同雪糕盤

 甜品

 經典包櫃

 沙律bar

 魚生同壽司

 先嚟碗餐沙合掌瓜蘿蔔雞腳湯

 熱盤炒飯，蒸魚，雞扒，青椒炒豬耳同菜五樣

 無地方工作呢度喺唔錯的選擇

支裝汽水都好耐無飲，配件牛角，pizza同二件雞，點雞完全無咩味

唯一應該呢個最好，但豉油味道就好淡，我覺得都係滿屋最好食

 冷盤沙律配火腿同雞肉

 沙律菜

 幾款甜品話無樣好食

 經典包同批攞咗些少

 熱盤中的炒飯我都無試

 啲湯好油，可以見到一層油喺面

 我最喜愛都係呢杯咖啡

食完行出去近碼頭，話好耐都無坐過船就坐船回官塘

產後食療之糯米酒製作過程

自從轉咗呢行就好想親手做啲糯米酒比我照顧的每一個新手媽媽，但開始時好忙又不停增值自己，今次終於成功完成第一樽酒，之前上綱睇好多，家姐又教過點做，以前我媽媽喺好叻整，我哋坐月都喺食媽媽整的糯米酒，而家餵人奶就唔會好似我哋日日食，有啲媽媽都唔會食，怕bb有問題，其實糯米酒真係好有益，我都會煮比啲媽媽試起碼知道喺咩嘢味，而家都好方便隨便都買到，但有啲就唔知有咩成份，自己整就知有咩嘢，其實簡單三樣嘢就可以做到，唔係綱上咁復雜，第一次做時睇得太多又浸米，又加酒又見人用水沖，真係好多好多，而我第一次都有浸就無點過水，我真唔明點解有啲用水，唔係會好易發霉嗎？我做好第二日就發霉，原來加酒餅後無再放涼就入樽所以霉哂唔要得，咁再試就聽過老人家講，點洗咁麻煩，買糯米返去沖洗乾淨喺飯煲好似飯咁煲，煲完放涼，將酒餅壓碎平均撈勻，切底放涼後入樽開個洞放一粒冰糖，第二日就有酒，如果想濃味啲就加樽米酒，我聽完就試呢個快而且簡單，真係好成功咁第二日就見到好似有啲水，再過二日已好清楚睇到，今日第8日見到一吋啦，好開心又喺到分享下

材料：糯米2斤，酒餅2粒，冰糖1粒，
           消毒無水的十斤玻璃樽

糯米洗淨煲飯一樣煮熟 

 飯煲跳制可先打散啲飯

酒餅先打碎

 飯先放涼唔太熱到手就先將酒餅撈勻

切底放涼原全唔熱先好入樽，將米入好中間開個洞放粒冰糖跟住用布蓋好  

第二日已睇到有些少

第三日已見到有半吋酒

 第八日就見到成吋

好有用的搞蒜蓉神器

早前行商場見到個搞蒜蓉神器，只喺拉十幾下就可以將蒜蓉搞爛，睇到有啲心動好想買，最後好怕之前買果啲，一喺好麻煩，用幾次就唔想再攞出嚟用，有啲清洗好煩，今次呢個貴要差唔多一百蚊，最後無諗就走咗，最近同學教識我用陶寶，有日無聊就去睇下，比我搵到個，價錢唔洗$30就訂咗個，返嚟就專登買咗蒜蓉去試，估唔到真係好好用，又方便搞咗一樽隨時可以用，跟住又試下搞餃子餡去包雲吞，將肉碎加啲蝦粒，拉幾下就撈勻，點蝦都碎咗就順便調味直接包，見咁方便喺到分享下

 肉碎加蝦肉

 拉開白色制

 想碎啲就拉長啲

 搞勻調味直接包

 

 蒜蓉可以原粒

 拉十下左右

 就好碎可加軟身牛油

 拉幾下就好均勻

 而家整蒜蓉蝦就方便好多

簡單三樣嘢 

 大細好似一個食飯碗大啲