晚餐之薑蔥雞

時間過得好快，唔經唔覺又一個月啦，本來今日 last day 因為個仔未退黃，媽咪好緊張希望我幫多二星期，當然無問題啦，因時間預得好鬆而她又早咗十幾日，收工時媽咪出糧我先記起今日本黎最後一日，因為上星期講好咗先做到月尾，如果十月頭有需要再安排，因我跟住十月中有個媽咪產期，今次呢個仔仔比較辛苦，最初出出入入醫院，跟住又健康院，搞到媽咪同bb都辛苦，明早又要去睇，希望仔仔無事媽咪可以放心，每日都早出晚走，隨咗返學趕時間就辛苦婆婆幫手，我就唔洗太夜走，bb上星期到今日都好黏身，搞到咩嘢都做唔到，每朝早都食完痾，痾完又食又唔瞓，抱住就瞓到，當放落床就醒，下午沖完涼可能全日無瞓，食咗就瞓我都差唔多收工，所以更忙連厠所都無時間，今晚返到家又七點幾好彩家中有料，星期日去拜媽咪啲食物，有雞有魚炒個菜又可開飯

 呢個月餅盒好靚，喺大女的朋友送，個盒可以做手飾盒

 檸檬豬扒喺煮比新手媽咪食，因為她怕仔仔唔退黃，基本會加重仔仔黃的食物都會介好乘，所以就整呢個酸酸甜甜的等她可以食多啲

 粟米魚柳又喺其中一日的晚餐

 燉椰子雞

今日加咗花膠去燉，希望媽咪啲奶更濃等 bb 食得飽就唔洗好快又第餐

午餐在富臨提早同老豆過中秋

好快又一個星期，今日更忙一早起身做好早餐比啲女出門，就準備雞，魚，齋菜同其它嘢就出門先去香港拜媽咪，跟住就去老豆到同家姐阿哥阿妹同老豆食飯提早過節，本來想好似上次老豆生日咁叫個餐，點知只得一個，千一蚊幾樣嘢，姐夫睇完話散叫好過，咁就叫咗十幾樣埋單都唔洗千一，姐夫就話散叫好過叫餐，食到回家晚餐都唔洗煮好飽，啲女肚餓就煮麵或者食生果，今晚可以早啲休息

4吋什果蛋糕分蛋法

呢個星期都好忙，bb 呢幾日唔知搞咩我去到之後就唔瞓，不停食不停大便又要抱住先瞓好黏身，咩嘢都做唔到，可能怕星期五再睇黃怕再抽血，做咗咁耐未試過會黃到滿月，但阿仔咁合作真係唔明，醫生就話安全啲當他未足月睇所以緊啲，媽咪已經有機會加劇阿仔黃的都全部無食都好清，所以真係好難講，又多上一課，呢二晚都好趕因為要上堂，今晚學整蛋糕，每人做法都唔同，今次就係學到嘢而且更容易就做到個蛋糕，今晚喺做什果當然喺講點上奶油，整得靚真係唔簡單，一定要多練先得

蛋糕分蛋法原來最易，時間又快
4吋只用2只蛋，40g底粉，35g糖，牛油1湯匙

先將蛋白同蛋黃分開，先打蛋白加糖，打到企身

 就加蛋黃撈勻

 最後篩入麵粉撈勻

 加入牛油拌勻後入爐180度15分鐘左右

如果蛋白打得好，蛋糕就會好鬆軟

將蛋糕放涼開半

先放Cream 加什果再放 cream掃平

放回另一半就按下等實啲，

搽外圍就容易

搽好後就裝飾，好隨意

產後食療之雪蓮子燉雞

雪蓮子喺好有益的平價補品，適合產後進補，而雪蓮子點煮都得，本身喺無味要跟其它食材配合，好多都用黎煲糖水，今次簡單介紹呢個用黎燉雞，好先講下雪蓮子功效具有養心通脈，清肝明目，健脾滋腎，祛痰開竅，疏腸利尿，潤膚養顏，提神補氣等

材料：雞脾1只，已浸雪蓮子1湯匙，
           豬展仔1只，無花果1只，
           淮山3－4片

 呢個就喺雪蓮子

先洗一洗後用食水最少浸6個鐘，

浸啲水可以用

 浸幾個鐘就會見到大粒

而且開始透明

 未浸前好似粒米好硬

先將雞同肉出水，其它材料洗淨後

所有材料入燉盅，

加入滾水燉3個鍾

 燉好的雪蓮子喺透明有啲膠質

晚餐之叻沙米線

今日雖然唔洗返工，但星期日就最忙，因為要去探二大長老，一早起身搞掂二個女出門，準備定湯下午攞比老豆，跟住同老公食咗早餐就出門先去老爺到，有時同他飲茶或煮簡單午餐，搞掂就跟住去老豆到，探完哂就回家買餸煮飯，今晚大女話想食米線，已經煲湯蒸魚，但煮多個米線都唔係問題，只要有要求做到一定做，晚飯後本來好開心，收到一個媽咪傳來女兒又大個咗，啲相表情多多好得意，話咗完工有時間就去探她們，跟住又收到個唔開心的信息喺下星期出去見出年4月尾預產期的媽咪，剛8週但唔得，雖然我幫唔到，但我都叫她坐小月養好身體後就會有第二個，如果不幸預到呢啲事，媽媽們都要放鬆心情，兒女天注定，可能未喺時候做媽媽，先養好身體好快就會有，大家記得燉肉汁，喺最快覆完又唔燥的補湯，簡單又易整，可以參考我之前講個，我都寫過用明火同電子整的，唔好食涼嘢，先清淡後慢慢進補，希望呢個媽媽好快搵我