完成陪月課程第五日的晚餐之翠瓜炒三文魚肉腩

今早整左朱古力包做早餐，昨晚好緊張睇唔到今早考試，未到或考完就可實習洗奶樽，我抽到差唔多最尾考，原來考早啲喺好啲，唔洗由頭緊到尾，考完又可實習，而我想去做實習都無心情，好緊張有同學專登同我傾分散我啲緊張，其實妹難原全唔入耳，最後好彩都合格以為可鬆口氣，點知更加難記啲嘢更多，上午考完還有些時間老師就立即講沖奶同喂奶，下午又實習點知個個都唔太明做錯哂，好似好簡單但有好多嘢邊講邊做就難，有好多嘢做的手細要跟足唔同我以前唔同，老師就比我哋搞到暈就話先練過程明天才大跟，要我哋今晚先記熟劇本，放學又好趕過左六點啲同學都開始走，我回家已差唔多七點又喺超市買菜，昨日還有三文魚肉腩淋住買蘿蔔煮，點知又買唔到就買咗翠肉瓜，返到去用翠瓜簡單加薑絲去煮三文魚肉腩，好好味咁下次又多個選擇，炒菜同蒸返熱花生豬手雞腳又一餐

完成陪月課程第四天的晚餐之薑蔥煮鮋金魚

今日第四日學洗奶樽同練習扶抱，明天考扶抱，雖然試練左五，六次但都唔太好，心情有啲緊張怕補考都唔得，放學回家老公買左鮋金魚頭好大過同三文魚肉腩，鮋金魚頭都忘了有無食過，好快手去簡單用薑蔥煮魚頭，用左部份三文魚肉腩去滾個蕃茄薯仔湯，炒個菜，焗雞翼快快手手搞掂食完去溫下，老公叫我唔好緊張平常心，真喺講就容易到自己真喺不由自主，雖然已經抱著唔得，但都要盡力做這是我的原則，希望明天成功過第一關

晚餐之星加坡的黑糊椒醬炒蟹

雖然星期日但都好早起，因細女要出去，家姐又攞薑醋過來，今晚有個好多年無見的朋友上來晚餐，就去買定嘢先煲湯下午又去奶奶到，睇完個大女話同我哋飲下午茶，咁去新港鮮大女無去過，今日好多人都等左十幾分鐘要搭枱先有位，今次試蝦餃皇同蘑菇奶黃包，食完回家再去買多些少餸，本來買蝦見到啲蟹都幾靚就買咗斤，因為阿妹又上來，之前去完星加坡買左炒蟹醬叫我炒今次就可以試下，落左細半包都好辣再加粉絲好好食，朋友就好開心見到我二個女，一邊食一邊傾又過左愉快的一晚

 忘記左家姐攞薑醋過來，自己又買咗二只豬手同雞腳炆花生，點知細妹同朋友都話好味引唔住食多咗，反而豬腳薑就無食去

 哩包醬真喺好香同惹味但唔食得辣就要用少啲

哩個蘑菇奶黃包個樣好似，我哋喺到淋點樣蘑菇以為用蘑菇去整原來個樣似，面個啲黑喺朱古力，同枱點人以為燶咗叫我哋換好搞笑

哩個蝦餃皇無咩特別，下午茶都要$18.8我覺得食黑松露燒賣底啲

完成陪月課程第三日的晚餐之蕃石榴炒雞翼

第三日的課程喺講產前後的情緒，運動，分娩後怎樣做.....下午講怎樣扶抱產婦，還要實習，因為考試的其中一部份，要一邊講一邊做，喺到睇人就唔覺點，到自己時好多台詞就忘了，真喺有難度，老師話咁少嘢都攪唔掂就放棄，跟住更難更多台詞要背，叫大家返去搵人實習多做就無問題，好快又六點大家又趕住走，我就執好嘢都拿拿淋走去買餸，忘了星期六好彩有老公幫手去睇老豆，阿妹過來食就去超市買完回家，昨晚已醃左雞翼又買唔到想要的，就用蕃石榴去試炒雞翼，估唔到又幾好味，喺到分享下，怕阿妹唔食就煮定蕃茄炒蛋喺她最愛，炒菜蒸魚又開飯

材料：雞翼12只，蕃石榴2只，洋蔥1個，紅蘿蔔絲2湯匙，薑4-5片
雞翼醃料：酒1湯匙，豉油1湯匙，糖1茶匙，生粉2湯匙

洗淨雞翼開半加入醃料撈勻

蕃石榴洗淨切細條

洋蔥去皮洗淨切條

 先將雞翼二邊煎到金黃

 加入薑片炒勻灑入一湯匙酒

 加入洋蔥炒勻

 洋蔥有香味加入蕃石榴同蘿蔔絲炒勻加鹽糖試味就食得

產後食療之元肉炒蛋

昨日上堂講有關中藥對產婦產後應怎樣進補同一啲簡單初期的餐單，老師給了好多菜式給我們參考，其中一樣喺元肉炒蛋，大家都一切叫出來得唔得，咩嘢味，老師就話之前啲人寫你哋可以一試，咁有個同學就同我講整啲返黎試我話好，今早整好早餐比老公同女等她們出去，我就拿拿去炒，帶咗返去大家都好開心試食，個個都話好味可以多個選擇，喺到同大家分享，哩個餸適合順產的產婦，元肉性甘有補心安神

材料：元肉半杯約20粒左右，蛋10只，薑茸1茶匙，鹽1/4茶匙

先將元肉洗淨用熱水浸軟，水浸過面就可以，將浸元肉的水同鹽加入蛋撈勻

 先用油炒香薑茸

薑有香味加入元肉炒炒 

加入蛋汁 

 炒熟就食得