糖醋豬蝴蝶腩

今日好忙由早到晚，昨日喺老豆個邊買咗豬蝴蝶腩，是實上我好少喺肉檔買，喺老豆個邊就會買肉煮比老豆時見到蝴蝶腩$8份，又唔引得因老公話可能內臟唔好買咁多，我又多口問她說當然唔係這個部份用來炆同㷛湯不知幾好，只不過要浪費時間去整，所以才咁平這個部位是肺周圍的肉同牛腩一樣，最後就買咗喺老豆到出咗水先，今早出門前喺飯煲到先煮淋，電飯煲喺我哋全職人最好的幫手，今晚才加洋蔥去煮一煮就食得

 肉碎涼瓜炒蛋，阿妹好想食叫我煮，煮咗好多預她攞走

原來她開始放大假所以無攞走

 大女最愛蠔仔要芫荽但又唔食，只要香味

材料：洋蔥1只，蝴蝶腩$20
調味：鎮江骨汁1杯，薑1件，酒2湯匙

先將蝴蝶腩出水後去肥膏

 喺電飯煲煎香加薑

 煎香後先灑入酒

 加醋炒勻

 加入暖水浸過面

按制炆大約半個鐘就乾水同淋

洋蔥去衣洗淨切細入鑊爆香

炒到金黃有香味

加回蝴蝶腩炒

加些少水

炒勻試味加蔥就搞掂

沙茶醬蝦仁肉絲炒河

今日雖然星期日可以瞓晏啲，點知老爺又有親戚來左八點又出去同他們飲茶行吓買野再回家，因為又要煮啲野比奶奶食，咁就順便炒河粉比老公同女食

材料：河粉2斤，芽菜半斤，蝦半斤，豬肉$15，薑絲1湯匙
醃豬肉：豉油1湯匙，糖1茶匙，水1湯匙，生粉半湯匙
調味：沙茶醬2湯匙，1湯匙老抽

河粉有時間先分開一條條炒時就唔需太多油

蝦去殼去腸洗淨加1/4茶匙鹽撈勻

豬肉洗淨切條加入醃料撈勻

芽菜洗淨

 先將芽菜白鑊烘乾後回碟就唔會有嗅青味

 先用油爆香薑絲加入肉絲炒

 加入沙茶醬炒熟豬肉

 再加入蝦炒

 炒到蝦轉色

 加入河粉

 加入芽菜炒勻

 加入老抽調色試味，最後加入蔥炒勻就食得

黑椒原只大豬手

話咁快又到星期六，今早鬧鐘唔識響搞到六點半先起到身，遲左15分鐘時間就好趕，昨晚唔知搞咩好攰十點就瞓左，連豬手都無整湯又無㷛定，今早又遲起又㷛湯又早餐，老公今日又要返又煮午餐，雖然好趕煲咗湯又喺一部份攞去老豆到，午餐比老公就簡單昨晚已留左冬瓜粒，先煲飯，冬瓜粒料全部入㷛滾起加鹽糖就搞掂，再煮個麵比老公做早餐，將豬手入電飯煲先煮淋今晚回去就再炆炆加洋蔥，好彩七點二十分出門都無遲到剛好有五分鐘淨，二姐同姐夫阿妹上來食，早上煲好湯同準備左豬手，回家加條魚同菜就搞掂，每日都趕趕趕，，，做做做，，但到了星期六就好開心，明天又唔世返

 豬手一上枱，老公剪好大家都唔客氣食住等，到影相時已面目全飛

材料：豬手1只，洋蔥1個
汁料：酒2湯匙，薑1件，黑椒2湯匙，老抽1湯匙，冰糖1粒

先將豬手解凍再用薑出水

 大約10分鐘左右，滾起後就會浮出汚物

 將豬手洗淨如有毛去淨放入飯煲加薑同水先煮15分鐘左右

 回家將豬手先放入煲加薑先煎香2邊

 煎好先灑入酒後加入黑椒，水同老抽

 蓋上蓋先煮15分鐘

 15分鐘後焗5～10分鐘

 洋蔥洗淨切條入鑊爆香

 將爆香的洋蔥加入豬手再煮10分鐘

 

最後試淋，如果唔夠可再多炆十分鐘，炆好加蔥就食得

2人晚餐之$40超市平餸1湯1菜肉

今日好唔開心，煮午餐時淋住20人就買2條魚去蒸，本想買黃立槍點知百佳超市個阿姐話無，叫我試下班特價還幫我選，點知蒸出來留出黑色的水，以為劏唔淨但喺肉入面黑哂，再蒸第二條都喺咁，當時好警又要拿拿淋煮多一樣，又無影底同超市講，還要比人話叫我以後唔好搞咁多野攞苦來辛，返而老師同寫字樓的人說唔緊要無所謂都夠餸好飽好好味，淋住人少唔哂餐餐食鯇魚轉變下，下次都喺唔好咁多事，照舊餐餐食鯇魚就算，吃力不討好

今晚又喺得我同老公食，老公本來話唔去探阿媽，我話唔緊要我都去睇，我探完打比老公淋住今晚唔煮出去食點知老公話都係唔好搭緊車去探媽，咁我就買野回家煮，去到超市已經七點幾，可能星期五無咩人煮有冬瓜粒湯包，再買個椰菜同肉返去湯個湯炒個菜，唔世半個鐘就食得快手快腳又一餐

特價冬瓜粒湯包$16，特價火鍋腩片$13，椰菜$3.9

 還留起部份明早煮比老公帶午飯

 冬瓜粒滾起加鹽糖

椰菜加薑同1湯匙豆板炒一炒就食得