干炒雞軟骨

干炒牛河就食得多, 干炒排骨你地試過未, 我之前有介紹過而今晚就試吓炒雞軟骨, 材料簡單, 做法又容易最緊要喺好好味

腐竹芝麻湯圓雞蛋糖水

哩個腐竹糖水喺用之前包淨素卷d頭頭尾尾, 因為阿妹來食飯無餸, 臨時煮所以無準備其它, 家中有咩就用咩, 之前特價換左包芝麻湯圓, 就用腐竹煮到好似豆漿咁就加湯圓滾起就食得, 要煲到好似豆漿, 就要利用真好煲啦

 凍水和腐竹一齊煲, 滾起煲5分鐘左右就放回外煲

 到食時再滾起就可加蛋, 湯圓和冰糖試味就食得

蝦乾雙菇炒勝瓜

今晚見到雞肶菇好靚就買左返去, 本來打算去超市買d肉回去炒, 點知老公話有條魚, 2個女又不知會否返來食, 就喺咁, 今晚的晚餐好dry無肉, 原本淋住簡單食到最後連阿妹都上左來食飯, 她剛由西貢出來專成買了紫菜給我, 我話無餸, 她又說是旦最後她食得比平時少, 說我今餐好dry, 我問點解因為無肉太清又話平時是旦都不會咁, 我話無法昨晚巳清雪櫃而且巳特別再煮個涼瓜炒蛋你最愛點知她又說今次無肉碎不夠味, 唉真難服侍, 最後就加個腐竹芝麻湯圓雞蛋糖水才滿意

 材料: 雞肶菇, 冬菇, 朥瓜, 洋蔥, 蝦乾
先將蝦乾浸水, 冬菇浸軟, 其它洗淨切件

 先用白鑊炒雞肶菇

 加入勝瓜炒

 勝瓜和雞肶菇可先回碟或好似的將它們放在一邊後中間放油爆香薑蒜

 加入蝦乾和冬菇炒勻

 加入蠔油炒勻

 如太稀可用生粉水埋芡

涼瓜金華火腿炒蛋

今晚家姐突然和老公, 未來法藉女婿到來晚飯, 沒有煲老火湯就是旦滾左個紫菜湯, 又去雪櫃摷左d帶子解凍, 家姐最愛我煮的涼瓜炒蛋, 她自己就買了好大只涼瓜來叫我炒, 另外還有大條魚柳, 本來魚柳想跟 Owenmama做蒸魚柳但冬菇浸唔切, d金華火腿浸熱水後不成型, 最後簡單炒個西蘭花就算, 剛巧家中又無豬肉就用左金華火腿切砰加入涼瓜到炒, 原來更野味, 家姐的女婿話好好食, 可能西人都喜歡中國菜說我煮得好好食還問我這怎樣煮, 那樣又怎煮, 說說笑笑又一餐

                                        

                                                              西蘭花炒魚柳

                                            咕嚕骨

                                             燒掛骨

                                                                蒜蓉牛油蒸帶子

 平時炒這個一定加d肉碎, 今次改用金華火腿更野味
材料: 涼瓜一個, 金華火腿一湯匙, 蒜, 薑蓉和4只蛋
          涼瓜切片用鹽醃一醃(可令涼瓜炒時不會出太多水和去了一些苦味)

 先用白鑊炒涼瓜 (鑊入面不先放油)

 涼瓜見乾身就加油爆香薑蒜和金華火腿

 炒勻

 倒入蛋汁炒好就ok啦

洋蔥煙肉吐司

今次跟何師奶做左里個煙肉洋蔥吐司, 真喺好軟而且好香好好味 :x