喜歡煮食的我, 每日開心煮和大家分享每一餐
咁快就年初四，明天大家就開工，我咁啱報咗團去台灣幾日，原來喺情人節有時就喺咁，本來喺搵初二，三的團等老公回來可以休息一下，而我就3月等媽咪生咗就隨時開工，今日又喺早起約咗家姐細妹去探個老人家，她又喺農曆年生日，通常會喺她生日前上去同她去酒樓食一餐，今年她女話她媽咪對腳唔喺太方便，所以我哋就買點心過去，家姐本來話買蛋卷最後見意她買個蛋糕順便同她慶祝，家姐成日都早又9點好似返工咁，呢個新年日日都無咩時間休息咁，日日都早起遲瞓，等齊人就上去，90幾歲的老人家還會自己煮食，清潔只係行動唔太方便，見到我哋非常開心，不停講嘢但說話就唔太清要慢慢聽，我已好熟雖然一年先過去幾次，先熱返點心沖埋茶安排老人家先食後就切蛋糕，她最開心喺切餅同唱生日歌比她，之後清理完所有嘢我哋就離去，喺附近同家姐姐夫飲茶，飲完茶就買嘢回家，2個女都在家無出去，知道我哋昨晚打邊爐今晚又要，今日初四就應該買到嘢，買咗蝦，肥牛，支竹，豆苗喺啲女最愛同細妹的生菜就回家，開開心心又一日
今日大年初二祝大家喜慶洋洋，新年快樂
以前父母在大年初二同仔女回媽家約埋家姐一齊回家開年，幾年疫情又加長老已離去，剛家姐又回港過年就約出去放題邊食邊傾，今次兒甥女自己同家姐回來無帶2個仔女，因為回來做嘢月尾就回法，成班人齊齊喺極上開年，無諗過咁多人全滿安排我們8人去一張6人sofa枱,非常唔方便又好迫就同她們要求，最初唔理我們後來另一張都喺一樣，我們十幾人企哂喺度最後都安排好，實在人太多無之前咁好服務同啲嘢起初都麻麻，叫8人嘢只得一半，後來就正常返，家姐同兒甥女喺想食榴槤，知道而家有埋好多榴槤食品，燒榴槤，榴槤糯米糍，雪糕同其它制品，我家就無人食，第一次大年初二食放題，家姐非常開心話第二年都要嚟，埋單後有褔袋入面有個龍金幣應該喺牛古力但好精緻用膠盒裝住，因為今餐細妹請客，家姐話應該比細妹留記念，我都好喜歡但都無要求，如果要細妹一定比我，最後先記得個福袋無影相，今次二姐夫好滿意，唔食放題的他都覺得唔錯，開心愉快的一餐
初二啲花已經開得好靚
今日大年初一，先祝大家行運一條龍，身體健康，事事如意
今日一早先去大伯家拜年，坐一陣飲杯茶就離開，跟住就入沙田車公廟，今年連地鐵都注明出口，要大家行大運，行咗成大個圈未見人龍以為喺準備初三人多的準備，最怕同人迫每年都無咩節目就會入沙田行個運同車公廟裝注香，入到去原來好多人，啲人攞香又無高舉感覺好危險，快手裝完香打下鼓就離開，外地人多已經插滿好多大型的龍香，離去後就趕回家執一執，過年前太忙咩嘢都無整，昨晚收工回家又好夜，只準備利市，糖果已經好夜又太攰，下午細妹同阿囡朋友嚟拜年，回來前喺超市買咗些少點心回家蒸先同啲囡食，有人嚟再煎糕，食下傾下又準備晚餐，昨晚老公留咗部份砌一個小盤菜，我回來已經煲咗個椰子魚翅骨湯，細妹想打邊爐但太多食物幫手清清，開開心心又開餐
今日last day 又喺年30,先祝大家有個愉快的除夕夜，預祝新一年大家事事順心，健康幸福平安
個媽咪又話last day 會好夜返要執好哂啲嘢，咁又要嘢自己怕姐姐一個睇唔掂2個，其實我自己多餘遲早姐姐都要跟哂，做呢十幾二十日每日都遲個幾2個鐘先走，有晚要等姐姐回先走得差唔多8點半先返知我等都早咗15分鐘回又遲3個鐘先走，個媽咪都有講話叫我通知她計返OT 最後都喺無計，今晚以為又要7點先走得，點知個媽咪話繼續做所以今日唔洗夜同老公去行街買花差唔多6點先返，我搞掂哂啲嘢交代後就走，老公收早，我早2日準備花膠，海參，鮑魚，雞，鴨同燒肉比老公砌盤菜，呢幾年老公愛上咗，有一次買過回家又貴又唔好食就開始自己整，想食咩就用咩，飯後煮阿囡想食的阿華田同麻薯湯丸，大家團團圓圓開開心心過除夕
昨日老公先去買花，因為我要開工無時間
