喜歡煮食的我, 每日開心煮和大家分享每一餐
而家休息等11月媽咪生完就開工，開工日就好是旦一煲過叫外賣， 今日突然大女whatapp 話無咗以為咩嘢事，原來家樓下的味皇無啦啦關門啦，以後老公都唔可以叫B 餐啦，通常老公諗唔到買咩又或者唔想煮就一定叫味皇B餐喺焗意粉，咁回家再灼一碟菜就搞掂，而家關咗門以後都無得叫，估唔到做咗二十幾年都無諗過會關門真可惜，雖然有另一間餐廳，但太濃味同太咸我家都唔喜歡，而家唔未開工今日就整下家人最喜歡食車仔麵，老公最喜歡的豬腸，我最愛豬紅，囡囡最喜歡牛腩，蘿蔔，出面食叫一碗幾個餸就要幾十蚊，自己整唔洗一百蚊好多款食到飽想要咩就整咩加多個蒸魚又開餐
早前阿女中咗即晚就安排去咗竹高彎，而我哋3個就在家隔離，那天收到消息立即全部回家了，回家前我都去做一次檢查，回家再做快測，好彩囡囡有唔舒服快測無事都第一時間睇醫生再去做檢查，而家報告好快出，估唔到出嚟的報告喺有事，突然其來的事有無經驗就立即上綱同搵人問，密切接觸都要在家自我隔離7日，打咗3針的我們，在6同7日快測無事第7日就正常，第7日那天我同老公都5點幾起身做快測，無事老公就立即開工，而我準備早餐同午餐盒比老公出門就再去瞓，大囡就第8日都可以回家了，雖然我一直都無事每日都同個媽咪保持聯絡，本來還有幾日就完工，但個媽咪都唔想我繼續希望提早完工，咁都無法唯有照提早完工還要遲啲先可以返去執嘢，無所事事的我雖然在家7日，但都無心情出去，老公返工就叫她買餸回來就算，隔離期間完全無心情做任何事，雖然無事但頭幾日都心情好差，唔知大家有冇事，有事就要再加期，到咗第5日心情開始好啲，應該過咗高菌期，第6日再做快測無事更加放鬆開始整下甜品大家食，喺呢段期間多謝隔離屋的太太，知我們有事都話有需要隨時聯絡，細妹同學都話同我哋買菜，但都唔想麻煩她們，而且都無心情食嘢，只係好簡單同家中有咩就整咩，終於完成啦，阿囡回家啦，但大家都繼續保持防禦，特別喺女兒怕自己未清雖然無事，第8日我終於出門去買嘢同再去做檢查，一齊正常就開始約返明年4，5月的媽咪出嚟傾，希望疫情快快離我們而去，大家可以過返正常生活
大囡回家的第一餐，專登去街市買雞軟骨，她話最想食配酸辣米線同豉汁煮三文魚頭
其中一日整比細女的漢堡包
時間過得好快還有十多天就完工，點知突然收到女兒的電話，正常開工喺唔睇電話，因為個媽咪出咗去，要開返電話等她通知幾時返到準備下午茶小食同燉湯，打開電話先見到女兒打咗十幾個電話給我，原來她中咗叫我立即回家，太突然無準備下便趕忙手上的嘢，好彩因為個媽咪午飯後要出去，咁好早就到家準備，早午餐後就順便搞掂埋其它事後先記起無開電話才見到女兒搵我，咁交代所有事就通知媽咪要離開，離開後就第一時間打回家，全家人都回家只有我，我都立即去檢查中心做檢測再回去，原來密切接觸者要留家檢疫，打最少2針可第6同第7日做快測陰性就可自行解除，有時就喺咁要嚟就嚟無得講，最好笑喺剛早2日去咗星加坡住的媽咪同我講阿仔中咗喺醫院好彩無咩事，跟住就問我哋一家有冇人中，我話好彩未試過我開緊工，她說我們好叻點知2日後就阿囡中咗搞到大家都要回家檢疫，呢個囡好緊張又誇張每次我哋回去都要咁又咁，有時都好嬲話都咁多年放鬆啲啦，其實而家總有一個喺左近，真係防不勝防，只好平常心照做足防疫，雖然政府規定公司喺咁情況唔可以炒只當病假，做我哋呢行就無咁福利，通常都提早完工，有啲就會等你無事繼續完成埋餘下的，我做咗咁耐都算好彩，只有一次喺男主人中咗叫我唔洗再上去，搞到連嘢都無得執，講好他14日後可以上去執，最後話有事唔方便跟住不了了知，人工就只給回做的，只係欠幾日都埋唔到尾，最離譜喺買完餸連餸錢都無計返，話唔啱食先計，有咩會喺唔啱食呀，今次就喺自己家人中但都要強行家中7日無法，剛又淨7日同個媽咪講7日完咗返去跟埋手尾但就等通知，我諗都喺提早完希望今次可以執返啲嘢，自上次已經貴嘢都唔會帶過去怕攞唔返，圍群，拖鞋都有限錢，雖然剛又帶咗2包新粉過去整小食，呢啲都喺小數目，無咩貴工具喺果度，如果又無得返去執都無法，所以老師成日提議我轉呢行我都遲遲唔入，唔喺老細玩嘢，自己又年紀開始大難搵文職，可以放公眾假時間又穩定又舒服，初入行雖然辛苦但好開心，呢幾年疫情都叫大步誇過順順利利完成，舊年開始就難做，因為突然發生所以周圍問人，上綱搞搞下就一日，阿囡晚上好夜先入營，因為家中無獨立地方比她留家檢疫所以要去隔離營，我們幾個就要留家7日，因為太突然無心理準備，雖然之前疫情最嚴重都有繼續開工同出去，無特別就留家幾日未試過而家咁7日唔可以出門，如果雖要物品只可搵人幫手或打電話去求助，好彩家中平日都有儲開幾日糧，麵食，麵粉都有應該夠7日到時真係唔夠先搵家姐細妹幫手，呢幾年疫情都搞到人都精神緊張，今次更嚴重在家7日喺到等，無時無刻都擔心唔知會唔會中，原來等的人其中有人中又要重新開始計，昨晚搞到2點幾先休息，因為等人接走阿囡就大清潔，今早又瞓唔到一早起身睇下我哋幾個要做啲咩，又上綱搵料，她彩問到又喺等等等等等等，心情完全唔同感到好煩，完本安排好的事又要再睇時間再安排，以為下星期完工約咗出年4月同5月的媽咪出嚟傾，而家又未知工作要繼續還是提早完，要知道時間先可以再更改，所以又喺度等等等等等等，老公又緊張成日覺得自己會中，食飯都分開食，如果會我應該更容易，因為接觸女兒多過她，但都無法他想點就點，而家真真正正明白中同唔中心理都好難受，唉幾時先可以回復正常
好彩呢度剛滿月，個媽咪請我個半月通常我會免費幫媽咪扎肚，而家扎肚只欠4日先完成，睇下個媽咪想點而且都開始埋尾，米都炒準備等個媽咪繼續飲，飲足100日通常我完工她們的湯水會少，所以我會準備定啲茶包唔夠湯水都可繼續飲，開工日日都好忙都係早去遲收所以日日都好攰無咩時間出post,而家有時間可以寫下
呢個媽咪好喜歡糖水，每日都有一款，昨日就整燉蛋，紅豆百合，蓮子百合，紫米露，桂花小丸子，紅棗桃膠，雪蓮子，木瓜雪耳，蓮子百合，每日都唔同
