完成陪月課程第十六日晚餐之蘿白雞脾菇炆豬腩

今日返全日上午老師講急救，下午就考沖涼都喺唔得，真喺太耐無做唔記得，老師講急救有啲喺她自己教話私人醒，Note 無但覺得有用我哋要知，叫我哋最好去學，今堂真喺學到好多嘢，下午考試同自己練習，其實考試邊有心機去練其它，今次考中間，考完都有去練下但好似都搞唔掂，好快又放學，今晚以為老公會買三文魚肉回來就買定個白蘿蔔，點知老公話買唔到咁喺超市買咗腩肉，加雞脾菇用蠔油去炆，簡單又好味炒菜蒸魚又開餐

材料：腩肉$30，雞脾菇2只，白蘿蔔1只，紅蘿蔔，薑5-6片

先將腩肉洗淨去毛切件

煎香2邊加薑爆香

加入雞脾菇炒

炒勻再加入蘿蔔炒

加蠔油炒勻

加水同冰糖炆15分鐘左右，焗10分鐘再煮10分鐘試味

用筷子容易插入腩肉就可以

晚餐在詳興

今日雖然星期日應該可以瞓晏啲，但細妹要搬屋一早起身，二個女又要出去，咁整左早餐食完各自出，我同老公，姐夫就去幫手，阿妹怕摯唔切叫我哋12點，點知姐夫話早啲唔好同人迫，咁就十點過去，估唔到都要搞到六點幾，細妹話請食飯多謝我哋幫手，點知最後家姐比錢話請食飯興祝細妹入伙，明天又考試其實好想快啲搞掂回家，點知食完再去投票回家又十點，今晚就家姐喺她女兒家附近食，去左祥興叫左六人餐加多個小菜，有飯有湯同茶埋單$360都算平，但就一般

豉汁蒸班球豆腐

千島醬沙律蝦球，好失望只喺放左青瓜什果喺碟底面放蝦再淋千島醬

哩個魷片五花腩，來時個個都睇唔到喺咩

東江豆腐煲幾好，酸酸辣辣，豆腐好滑

完成陪月課程第十五日晚餐之雞脾菇炆雞翼

時間真喺好快又一星期啦，今日都要返只喺返下午又要考試，今次考沖奶喂奶肥左要補考，真喺要放底以前做法，現在應該喺要去應付考試，好多甩漏Ms 話本來可以合格，但最後過到做唔到要點所以衰左，我今早以搵左她耐但實戰真喺好緊張，其實我手都震哂，可能太緊張好多都忘記做，無法星期一又考沖涼希望她啲啦，今次Ms好唔開心話我地唔搵搞到錯漏百出，搞到失哂預算過哂鐘都考唔哂，講解左就放學叫我們認真啲，好彩今早買左餸同煲定湯咁就搭車回家，返到去先滾起湯加鹽，浸菜，醃雞翼邊整邊煮唔洗一個鐘食得啦

材料：雞翼12只，雞脾菇2只，洋蔥1個，薑片5-6，蔥些少

醃雞翼料：豉油1湯匙，糖半茶匙，生粉1湯匙，油1茶匙
調味：蠔油1湯匙，酒1湯匙

雞翼洗淨加入醃料撈勻，雞脾菇洗淨切件

 雞翼先大火轉細火煎

 煎到2邊金黃

 加入洋蔥炒勻

 加入雞脾菇炒勻讚酒再加入蠔油

加些少水炆到乾試味就食得

完成陪月課程第十四日晚餐之上海炒麵配什錦煲

今日都喺返半日，今早老公食三文治，午餐帶蕃茄肉片炒蛋飯，啲女就食粥搞掂完清潔下就去超市買嘢，時間真喺好快又12點煮個麵食完就返學，出門時無雨行到半路傾盤大雨搞到返到去全身濕，今日老師講勞工法同點樣見工，要注意啲咩同考筆試，話好淺但我都好多做錯，又四個鐘真喺好快好快放學回家，今晚簡單炒上海麵同滾個什錦湯又一餐

今次哩個炒麵加左叔仔老婆在大陸帶回來的乾蝦，加左後她好味

 先煎香肉絲加冬菇再加蝦乾炒香

 炒到好香後加菜

 炒到菜軟就加麵

 加色加味

 炒勻就食得

完成陪月課程第十三日的晚餐之廚餘班頭骨尾芥菜豆腐肉片湯

今日又返下午，早上搞掂老公同女出門就溫下書同買定餸，準備好就煮碗麵食完就出去上堂，今堂理論講勞工法，原來好多嘢都唔知，以前真喺好蠢，估唔到過左半世現在才去學應該都唔遲識好多嘢，喺溫室長大的我在過去一年學到我一生從未做過，見過同感受的一切，對一個事事順理未見過風浪的我喺好難受同唔開心，但通通都喺小問題，本來以為喺舊公司做到退休的我，喺舊年離開舊公司出來改便左我，但雖然好唔開心但人生可能應該喺咁，現在都唔理咁多讀完再算，好快又過左四個鐘放學回家，今晚用咗之前淨班頭尾去滾個芹菜湯，好味又唔浪費，昨晚的雞起左二只脾簡單醃左入爐焗一焗，炒菜蒸魚又開飯

有時食魚淨左啲頭尾可以用來滾湯好好味

先用薑爆香加入魚頭骨尾讚些少酒後加暖水煲15分鐘左右

 隔左啲魚骨

就可加入料，今次芥菜肉片豆腐，就先放肉同豆腐最後加菜滾起就得，但有肉就要煮熟啲肉先加

 最後加鹽糖調味就搞掂