產後食療之蟲草花糊椒豬肚燉雞

做咗咁耐第二次煮糊椒豬肚湯，今次用燉的方法加咗雞同蟲草花，媽咪唔太喜歡食豬肚都問可唔可以食多次，所以喺呢度分享一下，呢個湯好好飲最麻煩喺洗豬肚，呢個奶奶好好問我家嫂食唔食得豬肚，當然得以前生完無咩補會燉豬肚補而家啲人唔喜歡食內臟所以都少人整而且好嘥時間去清理，我話問下媽咪食唔食，如果食就買嚟整，個媽咪知道好有益就話試下，點知一試就話好好味咁又燉多次，好啦講下呢個燉湯點樣燉

豬肚含有蛋白質、脂肪、碳水化合物、維生

素及鈣、磷、鐵等，具有補虛損、健脾胃的功效，適用於氣血虛損、身體瘦弱者食用

胡椒味辛、性熱，入胃、大腸經;有溫中下氣，消痰解毒的功效

蟲草花有增強免疫能力

燉完後的湯色

材料：豬肚一個，瘦肉$10，糊椒粒1湯匙，淮山2片，元肉1湯匙，蟲草花1湯匙

豬肚清理乾淨就將糊椒粒放入豬肚入面用牙籤封好

雞髀去皮同豬肉一同出水，其餘材料洗淨入燉盅，滾水浸過面燉3個鐘就搞掂

豬肚先用鹽洗刷汚物同黏物都會走出後就出水

出水後剪去肥膏同再清洗，再用白鑊烘乾就可以用嚟燉或煲湯