時間過得好快又一個星期，剛過的星期好忙因為趕23號完工後接著24號開新工，因為剛開工的媽咪早咗個幾月生咗囡囡，出院後有幾晚都過咗去幫手跟跟，好彩囡囡因早產未可出院，只係跟媽咪啲飲食同點樣泵奶，通常住月幾日先出院，奶其實喺有如果媽咪喺醫院無埋身回家就一定塞，所以先處理奶的問題，24號正式開工囡囡還未出院，可以開始飲奶就準備啲奶入針筒都幾多工序，而家BB唔洗再用針筒就方便好多，只係將奶入樽貼label後冰凍咗就可送去醫院比BB, 初初2.5ml, 3ml,5ml到而家可以40ml, 應該無咩特別就可以好快出院，呢個媽咪好乖樣樣都食無特別要求，因為有濕疹同鼻敏感所以有啲嘢唔食得，奶量都幾好，因為想囡囡飲多啲所以好勤力，而家車程迎些少又搭地鐵再轉小巴回家，每晚都8點前就回到家，老公雖然收6點但回家都7點幾，所以晚餐都係一煲過或者叫外賣，今日星期日本來諗住煲湯但阿囡話想打邊爐又話整麻辣雞食完就打邊爐，最後就買咗羊簡單薑，蒜同干蔥炆淋後就先食咗部份後加水打邊爐，其實都係簡單牛，菜同烏冬，簡簡單單又一餐
今日以為啲囡要出去無準備煲粥，整點心最後整咗各人喜歡的早餐
老公的餐蛋多士配即磨咖啡
沒有留言:
發佈留言