休假前的準備

返工的時間更快又一個星期，明天星期日就休息，所以星期六特別忙，今早個個唔洗返工，就可以瞓多個鐘起身食完就出門，買咗二日餸就返去，今日有人探媽咪，媽咪就要洗頭，所以更忙，早啲返去準備炒米茶，煲落薑水就去睇bb同媽咪，好彩bb好乘就拿拿淋去準備燉湯，午餐同今晚餸，明天的燉湯，湯同早，午，晚的餸，做做做，做到無停手還炒埋米，到五點半還未搞掂，媽媽好好叫我唔洗理收工，點可以繼續快手搞掂，六點終於搞掂晒就收工，真的好攰回家本來得我同老公諗住簡單一煲過，點知阿妹話過嚟老公就話樓下味皇啦唔好煮，但都喺嗰啲嘢睇下回家幾點再算，點知塞下車返到家已經七點半，最後都喺味皇叫咗二個餐同我最愛的豬軟骨河，簡簡單單又一餐

 細妹最愛的土魷肉餅

 老公叫的沙拉骨飯餐就有湯有杯熱飲就$60左右

我最愛的冬菇豬軟骨河粉連飲品都係$39

準備給媽媽明天的餸，另有五指毛桃湯同蟲草燉雞

 梅子排骨

蟲草花元肉杞子蒸雞

 墨魚炒甜豆

 蓮藕餅

 瑤柱肉碎釀節瓜