上星期買牛秋魚後見到梳蘿魚，今日專登去睇下又買唔到，但好好彩又買到石崇魚，呢種魚如果活的要二百幾蚊斤，今日魚檔話呢只魚比梳蘿更有營同多奶，我之前喺個媽咪到煮過一次，都係她老公識魚檔留起，當時買得好貴，幾條仔都過百，我今日買幾條只喺幾十蚊，返到去就簡單加淮山，元肉，杞子同百合去煲，有上奶潤肺功效，全家都飲得
材料：石崇魚半斤，淮山5－6片，元肉同杞子各一湯匙，百合2湯匙，豬展半斤，蜜棗3粒
先將豬展出水，魚洗淨，淮山浸水去流黃(通常白色都會有流黃)所以要浸一陣，其餘材料洗淨
魚洗好沫乾後煎香2邊
如果想啲湯煲出嚟奶白就等煎好魚後撞入滾水
啦，睇下啲湯幾靚奶白色好似牛奶咁
跟住將魚入魚袋，其它材料洗淨入煲，先大火滾半個鐘轉中細火煲多個半鐘調味就飲得
沒有留言:
發佈留言