茄子二食

今日星期日可以休息下，但因女兒要返學校就早起煮咗早餐，女兒叫我唔洗理她難得休息就瞓到自然醒，但我唔想可以做到一定做，搞掂完無返瞓就悠閒地整理筆記同焗栗子等老公同大女起身先食嘢，下午去咗老爺到同他食午餐，今次又去百分百，老爺最愛干炒牛河同奶茶，我同老公因為在家同大女食咗嘢就叫多個炒飯Share食，食完又去買定幾日餸就唔洗每晚趕回家買餸，官塘街市買嘢真喺好平$7有3條好大的茄子，$10有3斤菜心，肉就返去自己個頭先買，本來今晚得我同老公食，點知細女打回來可回來食同瞓，咁都有餸唔洗加，點知細妹又話上來痴飯食，咁就又要加料因今晚茄子魚，薑蔥魚頭同菜，無嘢她喜歡就叫老公上去斬料，加多只茄子簡單加蒜茸焗一焗因她現在好啲會食蒸魚，其它煮法都唔食，咁又豐富煮一餐

 一只茄子就有六大件

 下午喺百分百，食物都唔錯

 楊洲炒飯都幾多料，但份量就少咗啲

 干炒牛河喺老爺最愛，日日食唔厭