同陪月同學聚餐在九龍灣德褔翠園酒家

放假的時間都好混亂，又唔知忙咩今早去左上產前後的飲食護理，完咗就順便探剛完工的Bb，唔見個多星期媽咪話他唔多食就真喺廋咗但就好得意，買咗嘢上去同她媽咪食完又幫手餵B, 都唔喺唔食只喺貪玩時間就長啲，四點幾就攞咗收工的禮物薑煲，呢個就好特別無比收工利市，送咗個大薑煲比我，見我上去探Bb順便清理好叫我攞走，本來喺坐到夠鐘因約咗陪月同學食飯，但最後都喺早啲走攞回家再出去，返到家就順便煮定飯同整咗個什錦煲比老公做晚餐，見有時間就刮下薑，因1號要去炮台山做第一煲15斤的薑醋，要做一煲好薑醋喺要用啲時間，遲啲有機會分享下，跟住同班同學食飯，因有渣打咭食咗圍都算底食餐，本來16個最後14個加多幾個餸$2300埋單，每人都唔洗$170都幾好，成班好耐無見過由6：30傾到11點先走，還未盡興話下月再出，做陪月的連我只有四個大家分享，有啲湊孫又分享，有啲做文職，sales 同一啲等緊工，雖然我收得平一路都有工開，但有啲就未搵到，好愉快的一晚

 再加的燒腩仔，原來無人加以為喺餐的其中一樣，但都食咗無計，以後大家就留意下啦

 真喺加的脆皮牛腩都幾淋

 再加的一品煲炒飯都算可以

 回家繼續我的15斤薑，唔想放到再圍喺

有個同學咁夜回家還滋補花膠燉鮮奶，勁

晚餐之薑蔥蓮藕餅

又星期六啦，一早又起身個細要教畫，跟住無再瞓返因為幾日無正式煮，今晚個個回來食，下午又約家姐去探老豆，所以就去街市買定餸同煲湯，呢個天氣最好煲去濕湯，煲咗個個都鍾意飲粉葛鰂魚湯，買咗細女喜歡的烏頭今次就用梅子蒸，整咗咖哩排骨再加多個蓮藕餅，今次個餅就加薑茸同蔥味道更突出同好好味，又煮咗豐富的一餐邊食邊傾又一晚

阿妹知家姐想試大埔的手找餅就放學順便買回來給家姐興祝家姐有Offer 讀Master, 本來淋住邊間收就讀邊間點知二間都收，心大心細的她又要考慮讀邊間同邊科，選定咗再出去興祝

材料：肉碎$10, 蓮藕半斤，蔥2湯匙，薑茸1湯匙

調味：半茶匙鹽，2湯匙豉油，糖1湯匙, 栗粉3湯匙, 水2湯匙, 油1湯匙

蓮藕洗淨去皮刨絲

將肉碎，蓮藕絲，蔥同薑茸加調味隨栗粉同油外全部先撈勻

因蓮藕有濕會同肉撈勻後會見到黏起

加生粉撈勻後先加油再撈

所有撈勻後可做型唔散就可以去煎

煎時因喺肉所以先大火再轉細火蓋上蓋去焗就保証全熟

煎到二面金黃就食得

同事提早同我興生晨在港島海逸君綽酒店

呢個星期放假日日出去食，唔掂要減肥啦，星期日出咗葵涌同舊Vendor食飯，離開舊公司頭尾二年，呢個客約咗我一年有多今次先有時間出去，他請我去德國餐廳食德國豬手，午餐食啲咁heavy嘢，我就覺得無咩特別，但個客就讚不停，掛住傾都忘了影相，星期二就有幾個同學上來整雞又一日，星期三又同中學同學聚餐，星期四淋住休息下，細女又特然可以回來食又煮一大餐，今日約咗同事食飯，下月先生日她又去意大利怕回來我又開新工就話呢餐同我先興祝，有得食又有禮物，好開心傾下食下又夠鐘，因食得太飽就去咗行公園差唔多五點半先各自回家煮晚餐

 長腳蟹都好好味

人生食第二次蠔，今次又喺即開即食的，見隔離枱食好多，咁自己就大擔再食一次，真喺好好食，但怕自己受唔到只喺食咗呢碟

 Moven好美味的雪糕

 咖啡都有六款，我只喺試咗二款

 環境大，食物都幾多

同事送給我的生日禮物好啱返工用，馬油更加好