晚餐之蜜糖香草焗雞

今日雖然星期日，因為電話哩幾日壞了都無咩心情，攞咗大哥部機回來昨晚搞到兩點先瞓，今早就起身再睇下點用，起咗就無再瞓因二個女都有嘢做，煮好早餐叫她們起身，搞好都喺九點左右，老公就叫我多瞓一會，但個人都醒就去超市同學校買嘢，見到雞做特價買只回去薑蔥蒸，只簡單用酒同鹽抹勻放入雪櫃，下午約咗朋友出去tea, 飲完回家返到去，個個已回就拿拿聲先蒸雞點知大女話焗得唔得，咁就加啲香草同蒜鹽去焗，差唔多焗完加蜜糖，兩個女就好開心，老公就幫我買餸時買咗鹵水鴨，炒菜蒸魚又開餐