晚餐之豆卜金菇芽菜炒肉碎

今日好輕鬆因打三號風，啲仔唔洗返只係煮大人，通常自己搞掂，其它人就會搵嘢做，哩幾日啲人唔只對我好好，請食嘢又話我啲嘢好食，咁唔洗浪費喺好事，又話啲湯好正飲淨還裝回家，以為無仔返有得收早半個鐘，點知收四點的三點半已走，四點高層先入來講話今日唔算，正常時間收工，早講我就唔洗一條氣做哂嘢啦，連食飯時間都去做嘢，真係唔知玩咩，算返正都無特別嘢，返到家買咗排骨薯仔煮紅咖哩，本來想涼瓜肉碎炒蛋，突然記起大唔食，見到豆卜就買啲芽菜炒肉碎，以前炒芽菜一定炒粉麵，今次可能都喺第二次就咁炒來食，早一晚蒸咗條烏頭，個個都喜歡凍食隨咗我，再炒多個菜又開飯啦