二人晚餐之皮蛋芫茜魚腩湯飯

日日都好忙，今日先煲咗個冬瓜薏米豬骨湯，仔食檸檬雞同椰菜炒甘筍，而大人就檸檬雞扒，蒜茸炒椰菜同豆腐粟米肉粒，仔又要煎雞，大人又要搞到連洗手間都無時間，忙到過咗幾分鐘好彩啲老師好幫忙，我就走咗去廁所再去睇仔食飯，估唔到有啲小朋友都喜歡食檸檬，我將檸檬搾汁再切幼絲，想她們知道用檸檬煮，每次見到她們食得咁開心自己都好開心，我睇個班只有三歲左右，好叻自己食有啲食得好快，有啲就好慢她們只有25分鐘左右食飯同飲湯，間日就有生果好似今日就食蕉，每人三份之一只，如果多又有小朋友想食就可以加，但就一定要食完自己的又有時間，今晚只有我同老公食，放工返到去就買咗芫茜蔥，鯇魚同菜就回家，老公最鐘意就喺哩個湯飯，以前我都唔喜歡但現在都愛上了，芫茜同皮蛋的香味真係好配好好味

晚餐之冬瓜炆鴨

又星期一素食日，今日先煲個海底椰雪耳甘荀湯，仔就食豆腐雞蛋炒飯配椰菜花炒秀珍菇，我就加咗什豆顏色多啲見到都想食，大人就菠蘿三式椒炒素雞，娃娃菜煮豆卜同菜蒲炒蛋，今日本來唔太忙應該可以，但啲同事無啦啦菜未切就去洗，一塊塊就要浪費多啲時間去切，素雞自己想有脆效果又切件去煎，搞到十二點都好彩搞掂，今晚返到去就買咗件冬瓜，昨晚只鴨食淨咗用來炆冬瓜就最好味，炒個菜煎黃花魚，簡簡單單又一餐

晚餐之西蘭花炒蝦仁

今日睇完奶奶同老公行官塘街市，見到唐順興專買燒味，上次雞特價食過都幾好，今次見鹵水鴨仔$58，老公就話試下當半只買，今晚本來食三個就炒多個菜就算，點知細妹話唔上最後帶咗燒排骨上來食飯，細女今日打比賽話可能食完先返點知差唔多七點話返緊來，咁就拿拿淋加多個番茄蛋同開咗礶茄汁魚，是是旦旦又一餐

早午餐之粥，炒麵點心

時間過得真係好快又星期日，可以唔洗咁早起，但自己唔知搞咩，最後九點起去煲個粥，二個女都係中午先出去，再上街市同學校買食材，順便買腸粉同油條回家，點知唔寫得$8一條，有時放工去買餸見到$5都會買，咁就買咗二個麵餅同芽菜返去炒個麵，蒸腸粉，餃子同燒賣，最開心一家一齊食一齊傾，講下剛過的星期發生的趣事，傾下講下又夠鐘出，開開心心又一餐

好似餐廳咩嘢醬都有，各色各樣自己喜歡加咩就咩

 皮蛋咸蛋粥

 點心樣樣有啲

 豉油皇炒麵

 白雪雪的腸粉

 加咗豉油，甜醬同麻醬同芝麻就特別好味

晚餐之什菜炒什菇

又到星期六今日返去以為唔洗做，因昨日打風她們已做了今早的工作，只淨些少嘢點知高層又有order叫我們全部課室又清潔一次，咁又係好忙而且連我只有四個有二個放假，她們叫我負責抺地，可以無問題照做，今日playgroup Ms 要整 pizza，因為我可以同她講就由我跟，幫手整教材食物，無淋過啲人好認真你抺地就全部關你事，你幫人喺你事，她們做完自己嘢就休息，你未做完就自己搞掂唔會幫真好笑，唔緊要慢慢做搞掂完，Ms 走時好多謝我今天的幫忙，我自己都好開心可以練習下英文，放工又喺去老豆到飲茶，清潔煮完飯就回家，今晚回家時又黃雨咁喺超市是旦買啲嘢再清雪櫃，樣樣淨少少，將所有菜同菇簡單炒一炒，好味又唔浪費

晚餐之豆卜金菇芽菜炒肉碎

今日好輕鬆因打三號風，啲仔唔洗返只係煮大人，通常自己搞掂，其它人就會搵嘢做，哩幾日啲人唔只對我好好，請食嘢又話我啲嘢好食，咁唔洗浪費喺好事，又話啲湯好正飲淨還裝回家，以為無仔返有得收早半個鐘，點知收四點的三點半已走，四點高層先入來講話今日唔算，正常時間收工，早講我就唔洗一條氣做哂嘢啦，連食飯時間都去做嘢，真係唔知玩咩，算返正都無特別嘢，返到家買咗排骨薯仔煮紅咖哩，本來想涼瓜肉碎炒蛋，突然記起大唔食，見到豆卜就買啲芽菜炒肉碎，以前炒芽菜一定炒粉麵，今次可能都喺第二次就咁炒來食，早一晚蒸咗條烏頭，個個都喜歡凍食隨咗我，再炒多個菜又開飯啦

晚餐之節瓜炒肉碎粉絲蝦米

哩幾日唔知發生咩嘢事，那班人好奇怪突然對我大好，今日她們食飯時間突然四點人攞杯蕃薯糖水比我，話她自己煲令我不知所措接過後食完同她講多謝同講好好味，後來先知只蟹同條靚唔托，其它二個舊人唔咁同她講嘢同幫她做，我同花姐就無理咁多，有時間就幫下點知比人話唔好幫她做，只蟹唔高興多一事不如少一事，真奇怪她做咩都無人理，我哋做完就比人話，到咗下午就輪到只蟹叫我食豆沙餅，我喺度清潔廚房就應咗聲好，點知有個舊的就話我唔食，唔洗比但只蟹就專登袋咗一件還攞入廚房比我，有個同我好老友的老師入來我同她講，她講笑話咁出奇要唔要用銀針一試，我笑到唔識出聲，最後食咗少少因太甜，不過都要同人講好好味，哈哈哈，今晚返到家見節瓜平買咗返去加粉絲炒，咁又可煮少啲飯，炒個菜，蒸魚，還未影相二父女就將魚食咗半，哈哈哈可能真的太肚餓，簡簡單單又一餐

晚餐之三式椒金菇炒肉片

今日又喺好忙的一天，因為食什糧湯喺羅宋湯，仔食白汁粟米蘑菇螺絲粉喺最鐘意，而大人我就煮蒜茸炒生菜，醃咗泰式青瓜拌香矛豬頸肉再加白汁雞柳螺絲粉，煎完豬頸肉又要切，好彩又搞掂，忙忙碌碌又一日，今晚返到家本來想煮金菇粉絲腩片點知又無芽菜又無腩片，咁就簡單三式椒去炒，再蒸多碟蛋，真係每次都唔同有時蒸到滑滑，但今晚又唔得雖然唔靚但就好好味，大女又買咗雪條做甜品，雖然好味但太貴啦十一蚊一支唔值，開開心心又一餐

晚餐之什瓜菜冬菇炒腩片

今日雖然全部人齊，但都係好忙煎100只雞翼比仔，12磅雞扒切細約90件左右，今日湯番茄薯仔甘筍湯，仔餸蜜糖雞翼同草菇小塘菜，大人就香草蜜糖雞扒，蒜茸炒小堂菜同金菇肥牛，今日唔旦切餐飽，煎翼同雞扒都無時停，忙到水無飲洗手間都係返工去完到十二點搞掂先去，但當啲仔同老師都好開心話好好味，自己就覺得幾辛苦都值，今晚只有我同老公就簡單，雪櫃有咩就煮咩，樣樣淨些少加啲腩片炒一炒簡單又好味，另外買咗排骨返家醃明早煲個排骨飯，老公同大女帶飯，淨低細女食