喜歡煮食的我, 每日開心煮和大家分享每一餐
還有2日又順利完工啦，最近都一樣唔知忙咩，呢個生日月好忙，開始復常後多朋友同學約出嚟同我食生日飯，今晚本來約咗細妹去食西餐一齊提早慶祝生日，點知大女話明天要開會同唔到我慶祝不如今日一齊食慶祝先，咁又一家同細妹去咗龍寶食中餐，第一次生日食中餐，通常食放題，火煱或自助，因為突然缺定所以中餐容易攞枱可以坐住等，原來都好多嘢食，細妹最喜歡海鮮好啱她，剛啱今晚細妹舊歷生日，我就買咗個紫薯撻當蛋糕切，細妹好開心無諗過突然多咗我家同她一齊過生日，今晚叫咗好多嘢，有蠔，懶尿蝦，聖旨，花膠雞煲，班腩煲，海參炆鵝掌，肉排同豬仔腳，最後大家一齊食埋個撻影相開心一下，好開心的一晚
今日原來復活節假最後一日，我開始返工呢2星期去幫個媽咪扎肚，第一次接呢啲job 每次幫媽咪扎都喺免費，通常請我做2個月個媽咪有需要就會幫手，今日一早就出去雖然只喺扎肚，但我就有啲多事，呢個媽咪無請陪月，只喺奶奶幫手，有好多嘢都唔識就會問我，我唔介意都會教她，之前上過去一日，因為個仔食得少又難大便黃好高，正常食奶粉好快就退，還要抽血同安排照超星波，咁我就過去睇下，主要掃風掃得唔好所以食得少，我就教她們點餵奶，掃風同有咩注意，搞掂哂就回家個BB而家食得好好，日日都有大便，希望過2日覆疹BB 健康退黃一切正常，今日過去都喺多風，而黃感覺應該無咁高都退咗好多，要覆疹先知情況，老公順使攞咗一個星期假，之前以為自己休息到5月中等個媽咪生完先開工，咁啱有幾個媽咪都有需要，又唔介意做2星期，之前剛幫個媽咪搞掂個仔食多咗有大便同媽咪奶量增加咗，同埋幫她補足2星期，完工時媽咪好開心話2胎都唔好彩請唔到我，雖然得2星期感覺真正坐月好多謝我，我都好開心做到應該要做的事，本來老公攞假陪我，點知又開工，好彩呢2星期做大半日，有半日陪老公，老公見假期有時間就買咗幾款海鮮回家煮，咁啱細妹出門忘記攞鎖匙，好彩放咗套士啤在我家，呢幾年疫情都無同細妹一齊慶生日，我哋同年同月好多時都一齊慶祝，疫情關係我家都無招呼人到訪，今次細妹有口福好開心話順便買埋蛋糕一齊切，過咗好開心的一晚
休息第二個星期，每日都唔知忙咩，上星期約咗2年無見的老師出嚟飲茶，有同學美國回來之前開工都無時間，話咁快上星期同學又回美就沖沖飲餐茶等年尾她嫁女先再聚，又去咗幫個新手媽咪，因仔仔食得唔好又排得唔好就去跟一跟，教她點餵奶，掃風同按肚順便同BB 沖一次涼比她們睇下再講下有咩要注意，搞搞下又去咗一日，呢個星期就真喺在家休息一下，今日有個同學得閒知我休息就約出嚟下午茶，今次去間新嘢試下食點心，去到等幾張枱後入坐，人開始唔多坐底等一陣就攞茶杯碗好古色古鄉好特別有驚喜，之後叫咗同學話試過好食的點心再叫2個小食，一個鮮魷加一個欖菜骨點心真喺好味，特別喺春風得意腸，唔同其它入面好豐富蝦同蟹子，外貌已經好靚，一邊食一邊傾好快有人埋單，原來已經坐咗個半鐘差唔多3點半，跟住就離開上咗同學家坐一陣，同學專登請我飲下午茶喺預祝我生日，又送禮物好開心，還有十幾日都未到生日就收到生日禮物，之後回家準備晚餐，開開心心又一日
好古式古鄉的餐具
炸鮮魷
還有包竹笙
今日終於休息一下，過年後完成個半月的工作，休一日就繼續短短2星期的工作，事因呢個媽咪搵我2次都無緣接job,雖然無時間幫她，但2胎都有免費資訊，對我嚟講完全無所謂，只要有需要我就一定幫，呢個媽咪好唔好彩第一個陪月好差，我都上門一次教她們點餵奶，記得媽咪搞唔掂陪月都話做咁耐未試過，我就過去睇下，出世喺醫院食得好，回家就唔得，原因喺掃風掃唔好，我果日餵2餐，每次60無問題，個媽咪好開心，可惜接唔到，個囡飲得差風太多成日嘔，當時太忙只喺WhatsApp跟進，家姐仔唔喺點食嘢, BB時餵奶好差真喺有影響，我湊個個都喜歡食，每日早，午晚都喺爛粥仔唔需要咬只喺吞，姐姐都要喂一個鐘，我剛啱餵奶發現家姐仔喜歡含住唔吞，我就話咬咬咬之後吞，她又好乖會做咁就會半個鐘搞掂，細老一樣飲樽奶2個鐘，呢個陪月更差，媽咪辛苦泵出嚟啲奶一定叫陪月餵諗住唔會浪費，姐姐就餵奶粉，點知個陪月好搞笑懶到出汁，樣樣點姐姐做，下午就全程抱BB，每次餵食少少就話BB唔食就倒，後來媽咪嘈就放底，BB 喊就抱上嚟食少少，奶又唔熱住，餵2個鐘後淨又唔要，其實又喺掃風差，反而姐姐每次花一個鐘都餵到，我去時見到姐姐會不停掃不停餵，個媽咪就好唔高興同陪月講，點知回應一句“無姐姐咁有耐性” 我聽完都氣，本來個媽想炒又得姐姐湊怕搞唔掂又怕搵唔到人，最後就忍到我完工去接手，我唔明點解啲人可以咁，我第一日去BB 由早喊到我收工，原全做唔到嘢，個媽咪成個月身體都好差，我又想幫她搞好身體又想搞好個bb,雖然好辛苦，每日個半鐘車去，一定早過返工時間又一定遲走，好似唔夠時間，返到家8點幾9點好攰，好彩老公幫手，食完飯多數休息一陣就準備第二日的早午餐，呢個陪月湊BB唔得，煮食更差，可以直認無耐心咁就唔應該做陪月，呢個媽請咗2個陪月，基本坐月必食的薑蛋炒飯，煮雞酒都無食過，我就專登帶自家釀的糯米酒煮咗雞同酒釀小丸子比她試，燉湯差唔多20日後媽咪開聲先有，湯水日日都喺果樣唔知咩嘢湯，我叫媽咪叫她煲的多奶湯，木瓜花生雞腳同連藕唔明點解唔煲，魚湯就買成7-80蚊淨魚咩都無加就咁煲，奶量到滿月都喺30-50左右，正常第二胎就一定多，我每日就燉湯，湯，炒米茶，早餐飯，午餐2餸日日唔同，下午茶每日有不同的小食配燉湯，晚餐就3個魚，肉菜，之前晚晚要斬料加餸，我煮啲餸啱食，媽咪話她老公好喜歡呢啲先喺真正可入口，個媽咪話呢2星期先真坐月，未享受過咁好，有得瞓同食得好，短短2星期媽咪好滿意，身體好咗食嘢多咗，仔仔又一個鐘內飲完有時還會30-45分鐘完一餐，我可以安心完工
時間過得好快唔經唔覺個半月的陪月工作今日last day，喺度祝媽咪同bb健康幸福快樂，今日只喺安排燉湯同煲湯，午餐只係得我自己簡單食，晚餐媽咪出去買海鮮同bbq嘅食物同我farewell，雖然有工人姐姐但因為bb飲奶問題每晚都會遲一個鐘頭先收工，地方比較遠每日來回大約三至四個鐘頭，bb因為比較細而且又撞啱新年雖然過完年之後先開工但因為大年初一bb出院怕新手媽媽搞唔掂，唔放心都專登過去跟一跟，bb要足兩公斤先可以出院員工最開心係BB個半月生長得好好已經有4.5 kg，滿月嗰日媽咪冇慶祝，我都係做咗蛋糕同紅雞蛋同媽咪佢哋慶祝bb滿月，今晚好開心婆婆都有嚟，媽咪買咗好多海鮮，bbq好特別有南乳豆卜，白果雞皮餃子我都係第一次食，預備得太多啦最後好多嘢都冇食到，我哋食飯嗰陣時bb好乖喺度瞓覺，咁我就邊食邊傾好快兩個鐘頭差唔多八點準備走嗰陣時，bb好叻唔想我走，最後就又餵埋先返屋企，平時半個鐘就飲完，今晚飲咗成個鐘還回返啲又大便搞到9點半先走，返到家又11點幾好彩明天星期日唔洗返，星期一又去入青衣幫個媽咪做幾日，因為她的陪月完工做得麻麻，個媽咪知我完工想我幫半個月，但我就先做一星期再睇下點先
媽咪寫的信同埋送咗份好特別禮物畀我
