喜歡煮食的我, 每日開心煮和大家分享每一餐
還有2星期左右就開工，呢幾日成日都喺食食食，今日又約左中學同學她提議去食素，有間喺坑口下午茶時間半價好抵食，咁就約左去一試，同學訂枱咁唔需要點等，去到未夠2點半已經多人喺門口等，我哋訂咗枱等一陣就入得，雖然同學食過幾次，但次次唔係她叫，所以無提議唔記得邊樣好食，咁我就是旦叫咗幾樣，3個小食1盅湯同1個小炒，我哋叫咗未到，隔離已經有得食，應該喺常客叫咗一個人餐話下午茶半價抵食60幾蚊左右有個湯，1個小食同1個炒粉麵飯，我哋見到碟炒粉都好大碟，碟粉麵2個人食就差唔多，如果一個人飲埋湯同小食一定食唔哂，我哋叫咗小食以為好少但都ok，同學怕叫太多，食完剛好唔會太飽又可以試多啲款，埋單連加一都唔需要200，如果正價就覺得貴咗些少，唔怪之得下午茶時間好多人，如果唔訂枱有排等，除非果日唔多人，下次可以再嚟食
三款小食
燻魚味道喊咗些少
蛇羹味道好似配埋菊花同脆脆好味
時間過得好快又星期日啦，今日唔洗5點幾起身，瞓到9點幾同老公食咗簡單早餐，清潔一下，上下綱，2個囡話要食雞煲加打邊爐，打風日食唔到，最好2只先夠4個食，咁12點幾同老公出去飲茶後就去買餸，之前因優惠買咗包李錦記麻辣雞煲醬，個味好好但實在太辣，老公邊食邊飲水，包醬入面有包紅辣椒乾，花椒，香草，2包雞醬同一包特辣粉，上次唔知全部用哂去煮，只落淨包特辣粉，煮完先知好勁，立即將紅椒執返出嚟，怕越煮越勁，今次雞多一只，用料就減半再加薑，蒜同乾蔥，我同老公就覺得好好味，啲囡就話唔夠上次好食，如果食得辣用濃味2只雞加全包醬料就一定啱口味，試過幾只覺得呢只料配得好，唔同其它喺已經整好只得醬味道都喺唔太夠，而呢個就有埋真實配料同炒夠哂味，大家可以一試
昨日已經吹圓規打到嚟，星期一晚約咗班同學食晚餐諗住夠他們晚餐就無出去買餸，只係準備好晚餐就出門，第二日同個舊同事食完先買餸，點知圓規真係會到，昨日出門前去超市諗住買定菜怕真係8號買唔到，真係好誇張未到十點超市一條菜都無，又唔夠時間去街市就照搭車出去，同同事食午餐時收到料話4-6點會掛8號就通知老公，諗住食完2/3點左右回家買菜，點知咩嘢都無，連雞都買唔到，好彩老公唔洗等到掛先走得，喺他果邊睇下買到2斤菜30幾蚊都唔算太離譜，咁回家時再去超市望下有無再返菜，都喺無買咗些少其它嘢，剛比完錢就聽到話有菜返立即走去菜果邊，已經人生人海，只係聽到唔好急，啲冰唔好整落地會整到人，但啲人都唔理好快幾盒菜就清哂，好彩攞到個椰菜又再排半個鐘，平時都會買定好多菜，咁啱呢2日都約咗人，諗住會出去就順便買，而家菜食得多通常都會買定多啲，今日無啦啦多日假，老公同啲囡都唔洗返，6點幾起身睇咗話中午先有幾會轉3號咁就再瞓，9點幾老公起身就同他簡單食麥皮同麵包做早餐，等啲囡瞓夠起食食午餐，今次真係清雪櫃有咩整咩，明天重陽老公又唔洗返先出去買返啲入返雪櫃，午餐就煮咗雜菜煲同雜錦沙律，晚餐有幾只蘑菇加啲蒜茸同芝士焗，還有2塊豬扒同牛扒煎一煎，摷到冰箱有包蝦就攞埋出嚟整加多個菜心豆腐丸湯，是是旦旦又一餐
時間過得好快每月一次的聚餐又到啦，上次食完話搵另一間，點知confirm咗日期時無人提議去邊，最後又去返德興，而家主打食自助打邊爐，而我哋去咗3次都喺食小菜，6個有個同學唔想食都無得轉，今晚好多人我哋訂早咗約7點到已坐咗8成客，個個打邊爐冷氣唔多夠，我哋食小菜都安排坐喺中間，初時感覺好熱到齊人時叫咗半圍餐一試，價錢雖然比幾年前貴咗幾百蚊，但菜嚟後可能太耐無食，又唔想叫返之前的2人餐，見菜式無咩點改，今次呢半圍都好多嘢食，個個食到好飽，埋單每人$250都唔算太貴，我就好想試打邊爐，可以邊食邊等，個帶位姐姐話可以坐好耐叫我哋試，每次都話好下次嚟再試
