晚餐之蒜茸肉碎焗大蘑菇

話咁快BB滿月啦，今日去健康院睇黃同基本檢查同應該打滿月針，呢個媽媽選擇同BB喺私家打所以今日只係一般檢查同睇黃約咗下午搞到回家已經5點，阿囡好叻無哂黃同重差唔多1.2kg,而家差唔多有10磅好利害，平時都唔夠時間，今日就更忙搞掂完收工回家又8點幾，老公又比我早返到，又喺簡單煮，之前淨咗湯焗磨菇就炒菜同炒粉，早二日阿囡話想食磨菇，老公就買咗二只有機磨菇好舍得，用蒜茸芝士同肉碎去焗，阿囡食得好開心，簡簡單單又一餐

每日都有唔同小食比媽咪做下午茶同飲燉湯，呢個喺菜蝦多士

滿月做咗蛋糕同紅雞蛋比BB同媽咪，祝她們一家幸福，健康，開心快樂過每一日

煎心豬肉煎餃同薯條配燉烏雞

 菠菜餡餅配燉雞湯

產後食療之奇異果骨

我喜歡用生果整餸比媽咪食，有營又好味，通常生完頭幾日好多媽咪都好難去便便，可能緊張或者唔夠瞓。。。的問題，希望用生果煮餸可以幫助她們，上次講咗簡單香橙豬扒，今次又嚟介紹一個又喺好簡單的奇異果骨，好味酸酸甜甜好餸飯
奇異果富含膳食纖維，有益腸道健康可以刺激腸道蠕動，縮短有害物質停留在腸道的時間，讓排便順暢，含豐富維它命C，鎂、鈣幫助調節生理機能

材料：飛排骨半斤(呢個骨位比較軟淋)

奇異果2果

排骨調味：豉油1茶匙，糖1茶匙，生粉1湯匙，水1湯匙

先將奇異果去皮，大半果切碎，餘下切片

做裝飾，另一個切大啦煮好排骨後加入

排骨洗淨加入醃料醃一醃

 先將排骨入鑊煎香二邊

 見排骨金黃

 加入切碎的奇異果連汁炒勻

 加半碗水煮熟排骨

 差唔多收汁加入大粒的奇異果

 炒勻試味，如太酸加些少糖就可上碟

晚餐之煎蠔餅

又星期日都喺例牌一樣早起出去買料煲湯，每個星期日無咩特別事一定煲湯去老豆到同他飲茶後回家買餸煮飯，今早二女都話同我哋食完早餐先出去，咁煲個皮蛋咸肉粥，配XO醬煎腸粉同燒賣煎餃，二個女最愛就係皮蛋粥，食完搞掂埋煲湯又喺時候出老豆度飲茶，阿囡話同學想嚟食飯得唔得，點會唔得咁同老公回家時加多條魚，蝦，見蠔幾靚又買咗斤去煎蠔餅，飯後就食同學仔買嚟的生果，其中香印提子，一盒仔都要百幾蚊真係好貴，我就唔覺好食，皮又厚甜到好假，我就一定唔會買，阿囡又專登返熱啲月餅話咁先好食，傾傾講講又係時候散啦，開心愉快的一晚

 此中在家整的蠔餅少油同出面好大分別

 呢個喺阿囡話同學最想食

 支竹豆腐羊肚菌炆腩肉

 差唔多食咗半先記起影相

 早餐的粥，腸粉同燒賣餃子

產後食療之香橙豬扒

我喜歡用生果做餸比啲媽媽，有營又容易去到大便，無時間食生果都唔怕去唔到大大，今日介紹呢個都好多時煮啲媽咪個個都鐘意簡單又平常的餸菜，但就好適合生完一個星期後的媽媽食，甜甜酸酸好開胃，有啲媽咪生完好多時因為緊張，睡眠不足就好難去便便，又無時間食生果，呢個餸只係一個橙幾塊豬扒就搞掂，橙有葉酸幫助大腦發達，而豬扒有蛋白質

材料：橙1大個， 豬扒4塊
豬扒調味：豉油半湯匙，糖1茶匙，水1湯匙，生粉1湯匙，油1茶匙

先將橙半個搾汁，另半個切片些少裝飾餘下就最後加入豬扒
豬扒喙鬆後一開2加入調味料醃一醃

先熱油後加入豬扒煎香2邊可鎖住肉汁

先加一半橙汁轉慢火，橙汁先唔會太快輝發同過酸，豬扒就更入味

蓋上蓋見汁收乾

再加埋餘下的橙汁

最後汁差唔多收乾就可加入橙片快手炒勻

試味後就可上碟

晚餐之老公簡單煮

今日雖然假期，但我如常開工可能昨晚啲人玩得太夜又加上假期，我就好早到咗，今日都好忙因為通常星期六會準備四個餸加二個早餐同一個湯比媽咪星期日簡單煮，五指毛桃湯，早餐就田雞同肉餅喺星期日同星期一，蝦米釀節瓜，南瓜排骨，紅棗雲耳冬菇蒸雞同肉片炒翠玉瓜，全部整定切切醃醃，方便她他們蒸同簡單炒就隨時食得，阿囡今日又唔太乖食飽唔瞓，成日要同她講嘢同搖下，所以又搞到6點半先走，今日好彩她老公休息咁下午茶就無等她們食完清潔埋先走，今晚回家就好彩45分鐘就返到，老公又煮好沖個涼就開飯，開開心心又一餐

今日燉咗天麻魚頭比媽咪洗完頭飲可去頭風

 配咗個南瓜餅