快樂的馬家

2017年12月12日星期二

聖誕新禮物之蒸焗爐

今個聖誕好開心，老公收到個半月花紅，我就有個想咗好耐都唔舍得買蒸焗爐，家中的舊焗爐終於光榮退休啦，之前淋住壞先換，點知咁快就換咗，舊的都跟咗我哋二十幾年，以前啲電器喺好耐用唔同而家好快就唔得，雖然唔舍得都要掉出去，家中實在太多嘢，昨晚老公好幫手已幫我搞掂，今早就立即試用，先用上火返熱麵包，都好快5分鐘就香脆熱辣，跟住就節瓜蒸排骨做午餐盒，太趕包完二個飯盒先記得無影相，呢幾日還未開工可以慢慢試

先用100度蒸20分鐘

簡單用豉油，糖同生粉醃一醃排骨

節瓜去皮切細先放喺碟再放入排骨

開始啦

用咗二十幾年要退休啦，還好新

新機入位啦，

比前大好多可以放成只雞

2017年12月11日星期一

每個月的聚餐大多數去聚德軒，而果個月有人生日就一定食自助餐，今個月有人生日之前去龍寶多抵食又可以坐得耐，但而家就無做外客，唯有搵過另一度，同學搵咗好耐終於搵到哩度最平，因為個個都唔係點食嘢，如果太貴就唔抵，本來問咗連加一，一個人$305,再加生日就應該多五十幾，最後有驚喜每人都係$305,原來6送1，咁我哋就比自己，生日就唔洗錢，最搞笑喺連加一都計5個，所以都係唔洗比多，雖然價錢平，但食物就好普通，而且人多有啲同學話有感以前喺粵海食，有新人就大排長龍，啲食物就一般，真係一分錢一分貨，但我覺得都算唔錯，咁樣價錢都有魚生同長腳蟹同靚Movenpack 雪糕都已經好好，但今晚好嘈太多人，可能有公司搞聖誕飯又抽獎，幾枱一間有成幾間，雖然地方好舒服但好嘈，到差唔多九點抽完獎啲人都開始走我哋先有得靜下，輪到我哋唱下生日歌同送禮物，有同學去完日本，咁唔生日都有禮物，好開心愉快的一晚

2017年12月10日星期日

晚餐之豆腐蓮藕餅

又星期日還未開工，放咗差唔多二星期，做我哋呢行就喺咁，無時間控制，有時啲媽咪早二個或三個星期未必接得上，有啲又遲一個或二個星期，下一個又未必接得上，老師講得啱如果要等開飯或供樓就會好麻煩，好咗自己喺輕鬆的，未開工就休息一下，上下堂做自己喜歡的，呢二日都喺忙，昨日老爺無啦啦手痛，之前去咗睇話肩周炎，老公見未好再睇最後去咗急症，一等就十幾個鐘，照咗話骨折，真係唔照唔知，睇過二個醫生都係比止痛藥，但老爺話痛到攞唔到碗，好彩去咗急症睇，而家就喺醫院等打石膏，所以又係好忙的星期天，一早搞掂二個女出去就去街市買嘢煲湯，炒過烏冬同老公去睇老爺，睇完回家又攞啲湯同河粉就去老豆到，跟住又趕回家再煮晚餐攞去比老爺，他想食肉餅，咁就整個咸蛋豆腐蒸肉餅，本來淋住煎蓮藕餅，最後無時間趕六點到醫院，因料太多攞起啲又唔湯唔水，就將淨加入蓮藕餅一齊煎，個估唔到又好好味，阿妹又過黎食飯好彩有淨肉餅喺她最愛，將豆腐加入蓮藕餅到又軟又爽好特別的口感

豆腐蓮藕餅

咸蛋豆腐蒸肉餅，老人家最啱食

薑蔥蒸紅鮪

雜菇炒銀絲黃

2017年12月9日星期六

產後食療上奶之紅檀魚木瓜花生湯

又星期六啦，今個星期雖然未開工都好忙，去探之前啲媽咪，晚上又返學好充實，做咗十幾個只得一個女，早幾人喺去探無做的b女，因時間安排唔到，又完工就去探下她們，呢個女好醒目搞到媽咪無得休息，咁專登上去睇下同講下點樣容易湊，有咩要注意，整咗個元肉杞子包比媽咪試，他們都好熱情，走時還比咗個利市我，真係多謝哂同非常覺得唔好意思，無啦啦要破費，雖然休息咗二個星期，之前有啲食譜都無時間，今次講反呢個好上奶又簡單湯水，有好多媽媽飲咗都話好好，剛完工的媽媽好幸福剛買到紅檀唔喺成日有，收工的一星期都煲魚湯，呢個喺其中一個，紅檀魚好補血，所以最好啲惡露差唔多清就可以飲