晚餐之素咕嚕

今日又閒在家中，今早做好嘢就出去買奶奶未完的物品，奶奶去時講左想要張輪椅，做事的人話叫我哋自己出去買會好啲，唔洗大細張就可以，主要原成先人的遺願，點知搵左好多間都話無，有間要落訂$350才安排到，好彩最後都搵到雖然未知價她說唔太貴，過二日來貨先去買，我就話星期日要落訂先，但這間反而唔洗一定有叫我星期日過來就可以，每個生意人手法都唔同，咁搞掂安心就買餸回家，今日簡單煲咗蕃茄豆腐蛋花湯，炒菜蒸魚再煮多個酸甜齋又開餐啦

材料：麵根約$15，菠蘿細礶，青瓜1條，洋蔥半個，甘筍幾片（裝飾隨意）

汁料：檸檬汁半碗，茄汁4湯匙片糖半塊

先將青瓜去皮洗淨切細件用1/4茶匙鹽撈勻，煮時再沖洗可去嗅青味，

洋蔥去皮洗淨切細件，菠蘿切細件

麵根用熱水浸後搾乾可去油，再用白鑊烘干會將多餘油迫出

先起鑊爆香洋蔥同甘筍片

炒到洋蔥有香味加入麵根

加入醬汁

炒到差唔到收乾水

加入青瓜炒勻試味

最後加入菠蘿炒勻就可以

午餐盒之素火腿菜蒲蛋炒飯

今早只得大女帶飯，用女兒最愛菜蒲加啲素火腿，菜同蛋簡單炒炒又搞掂，以前返工都喺每朝起身煮，老公就唔想我太辛苦，話早一晚留返就好，其實做慣的我反而閒在家中感覺不太好，習慣每朝先煮感覺安心，從雪櫃攞出又搭車回去下午才食，而且菜又唔好留，每朝煮啲簡單就可食得健康又放心

樣樣少少簡單炒

晚餐之菜蒲芽菜炒素火腿

今日又喺家中無所事事，早上都喺例行工作煮早餐炒左個河粉做午餐盒，剛做完清潔家姐就打來幫忙買嘢，因一早過咗來湊孫行唔開，咁就順便買餸搞掂完回家又睇下筆記準備下有工就去見，上下綱睇下嘢，真喺好方便要咩上綱就搵到，一睇又幾個鐘又去整下蛋糕明早做早餐，再準備晚餐，今晚先簡單煲咗蕃茄薯仔眉豆湯，炒菜蒸魚同炒個芽菜豆卜加左菜蒲估唔到又好配好好味又開飯啦

 今次加左菠蘿味道更好，女兒們都喜歡

晚餐之南乳炆苧頭蓮藕素火腿

今日早上炒咗麵同餃子，食完各自出起我同老公就在家，昨天已出老爺到淋住偷懶唔出去喺家休息下，點知叔仔話喺公司攞咗成只乳豬叫我哋去攞啲，咁又要出去順便再傾下奶奶做事的行程同安排，跟住就買餸回家，阿妹又話上來食飯得唔得，都喺問下唔通話唔得，還掂有乳豬只有老公食，阿妹又鐘意咁我又唔洗專登買些少肉比她，昨晚淨咗啲蓮藕今晚就買咗半個苧頭同加啲素火腿去炆一炆，第一次食到入口即溶的苧頭，現在先明白老公話苧頭要入口即溶才好味，今次將苧頭先煎一煎再去炆，炆時如果靚苧就唔會溶，炆好還保持一粒粒，炒菜蒸魚又開餐

乳豬唔太新鮮，喺焗爐焗完有啲味最後加酒炒一炒

假日早午餐炒麵配煎餃

昨晚家姐專登送來靚靚煲一個，剛好配之前同學送給我的廚具，啲色好配其實我都好想買，但實在太貴唔舍得，雖然家姐哩個細個但都好鍾意，今早就立即開光用來炒麵，先煎蛋試試，非常好唔黏雖然易潔都一定要用些少油，啲廚具先耐用，只用1湯匙油就可輕鬆炒咗麵，跟住就包餃子去煎，個個都最愛煎，我就喜歡即包即煎好味好多，簡簡單單又一餐